صور من الترااااث << مغثةٍ لسنجار فقط !

السلام عليكم

الايميل يجدل عليّ وأنا أجدل على المرقاب
<< يجدل بمعنى يكثر من الشئ لمن لا يفهم اللهجه الكشبيه

هذه بعض الصور القدييييييييمه على شان بعض الناس المتطورين ينغث شوي !

وفيها بعض الكلمات نريد من الاخوه المساعده في فك رموزها


:

:

:














شباك مدري من وين جااااابوه





قراج ، وفي روايه بائكه <<< يهرج على كيسه !





مدري هو يقول بيت الشاطي والا بنت الشاطي





هذا البيت ،
( ضاربه صيف وربيعٍ وماطره صفري ) على قولة الاكلبي عايض
<<< قائل لكم أعداه ناصر الشيباني بحركاته




فله دورين عال العــال





عاد هذا مايبي له كلام مواصفات نادره !









هذا ماغير حاطّه تسذا هديه لعشّاق المرقاب

:

:


:



والآآآآن مع قسم الأدوات القديمه
والحقيقه إن هناك مسميات غير مفهومه بالنزبالي
ويحتاج فزعة من المسرّي وأبوراكان وساري الزهراني وغيرهم من الاخوه
لأن هذا الصور يقولون من الجنوب



:



هاااوش معنى الجو يارياجيــل ؟







سقى الله الجو مع اللومه هذي
اللومه عندنا ماهيب طيبه
يقول : والله لأذوّدزك اللومه !












هذا واضح من اسمه خاشوق خاشوق !
بس حنا نقول له فارووووع






اسم متعارف عليه إقليمياً


:

بس هذي مدري عنها



ماتسنّها ساق واحدٍ هريان لابسٍ له جزمه




وفي روايه خـْوَص مفردها خوصه




:


:


:




يتبــع

:

رسلان مرمس قبل عصر الترمس









وفي روايه سراج وفي روايه أخرى اتريتس وفي روايه ثالثه دزنديــل






هاويشهي القفــّه ؟
حنّا يالحساويه نسميه الزمبيل





كانون وألاّ حزيران
عندنا يالكشبيين نسميه مركاب << جاء بعد ماتطورنا بعد الأثافي !




:




سفره تخليك تاكل غصب



:



وخافه هذي بعد مدري وشنهي تسنها الطاقيه




:




وش المدمسـه يارياجيـل
مافيه معلوووم ايس فيه ..



:




مدري وش المقلاع ان تسان ماهوب اللي نسميه المرجامه



:






أيضاً مادرانا ويش المقصب هذاه ، ماهوب محراث



:




يعني شنكار يطلّعون به الذبيحه اليا جادت عشان يغرفون المرقه ويحطون الرز
<< عنده خبــره


:





أبك هذا صاج ماهوب ملعقه الله يهديك يامصوّر
قال ملعقه قال !



وعفاكم

..

ههههههههههههههههههه
ههههههههههههههههههه

الله يوسع صدرك ياعبدربه الصور نادره والتعاليق عليها نادره

لاهنت انت ويميلك طال عمرك وتوقع جبت سعادة سنجار

ودي وتقديري

عبد ربه


صور قديمه لاتمت للحاضر بصله

ماعرفت منها غير الفاس والرسلان وفي رواية اخرى دله


وكله كوم و ( الدزنديل ) كوم ثاني .. صعبتها على اللي قراها



لكن ( الجو ) هذي مافهمتها اصلا .. اول ماشفتها قلت يمكن نظاره


بخصوص الملعقه , يقولون ايام العصور القديمه كانوا عمالقة

ينفع تكون ملعقه بالنسبه لهم




عبد ربه


صور قديمه بتعليقات طريفه مرحه

ستكون سببا في ابتسامة الكثيرين

كل الشكر لعودتك للمرقاب

مرحبا ياعبدر به

الحقيقه احييك على جراءئك في الطرح

اولاً / بعض هالأشياء والله لا لحقتها ولا لي بها عهد ولكن .

بالنسبه للومه يستخدمونها سكان الجنوب والمناطق الموجده في بني سعد من العتبان لانها خاصه بالزراع من اهل المدر اما حنا ياهل الوبر والله مانعرفها . لكن

اللومه تستخدم لحراثة الأرض يسحبها الثور الله يكرمك ويكرم القراء .

المدمسه / هذي يستخدمونها بعد اللومه بعد الحراثه يدمسون الأرض .
ماقد سمعت الي يقول ( ادمس عليها دمس حمران العيون )

الكانون هذا مثل الأثاثي حقت النار .... يعني مركب ينحط عليه القدر . لكن برضه يستخدمونه اهل القرى وحنا والله مانعرفه .

المقصب / يستخدمونه برضه الزراع ويسمونه المشط مخصص للقصب

الخاقه / غالب من يستخدمها سكان جيزان زي الطاقيه عشان الشمس ماتشوف العرب عندهم سحمان .

المقلاع / هو المرجامه صحيح ... ويستخدمونه هل المزارع . بس ربعنا العتبان من الروقه يسمونه بعد مقلاع . يقول الكسر
ادعي عليهم وادعى حذف مقلاع ......... ادعوا معي عسى تصيب المقاليع

المنزاع / نسميه مخطاف

والملعقه / اشوى من الصاج ........... هذي مجرفه حقت الخبز ........ عاد هذي لاتهرجنا فيها كانت فسحتي منها ونا اول ابتدائي .......... خبز قفار محذوف مع الكتب في الشنطه

اما بالنسبه للجو / والله ما اعرفها لكن ممكن تكون مٌرحله يحطونها اكرمكم الله فوق الحمير يحملون عليها......... لأني اول مره اشوفها .


تشكرات افندم

يامرحبا يابن سبهان

وشكراً على إطرائك !

وأبو عبدالله يستاهل وسعة الخاطر ، مع انه يثوّر ضغطي بعض الأحيان

تحيات مال كتير كويس ..


..

مرحبا يادارين ..


وماحيّرتس حيّرني مير عانينا ننتظر أهل الاختصاص يعلمونا في اللي بقي
من سنجار ، أظنه وضّح الجزء الاكبر


لاهنتي على تواجدتس الطيب



تحياتي

سنجـــارووووه

ماتعلّمني كفيلك منهو يوم تقول:
مكان الاقامه عند الكفيل


الحقيقه انك غالي يامحمد ولاتنغث مير شفتك أولّمس تسنك تذمّر من ماضوع القرص
وقلت أقرصك كمان مره
بس ماشاء الله علاك طلعت لياقتك أوكي بعد ماضوع المرأة وقرارت الشورى

وأفدتنا بفوائد كثيره يابعدي ، في إيراد بعض التعريفات المبهمه نوعاً ما

اف لاكن كله كوووم والخبز القفار كوووم
هههههههههههههههههههههههههههههههه
يهييييييب صدز أبك تسيف محذوفٍ في الشنطه

ياخوي احمد ربك أنت اشوى من اللي يسرح على ريدزه
والدستن منشقةٍ كنداستها وقزازها متكسر والمدرسه 40 كيلو سحراء مع المربعانيه

<< ماوده يقول انه هو


أبو عبدالله ، شكراً جزيلاً لك <<- مذيع الجزيره

تحيات مال أنا واجد زين

..

.
.


عبدربه

شكرا ولاهنت

بيض الله وجهك يا صديقي
جبت شي الاغلبيه ما سمعوا به
واذا جدل عليك الايميل , حط الشبكة وعلينا جاي

من قال مايهون يابومحارب

أسعدتنا بإطلالتك البهيه !


تحيات مال انا ميه ميه


..

العفو يابوعلي

ولاتهون

الله يعطيك العافيه يا بوعتيق

موضوع كامل الدسم وجنادرية بلحاله


الله يجزاك خير يا شيخ على هالموضوع اللي يوسع الصدر


شكراً لك ولـ ابوعبدالله سنجار على التوضيح

كنها اجواء السر < هو صادز
تبي الحقيقه يا عبدربي صورك هذي رجعتني لعام 1356

سلمت عدد حصى الحره

موضوع اليييييييييييييم يا ابو حوّا


كله كوم و الخاشوقه كوم ثاني..


عنمّا المدمسه مدري ليه ذكرتني بالفلكه... اححح يا رجيلاتي..<< تذكر ايام المدرسه


شكراً واجد على هالموضوع يا ابو حوّا جوّا..

و شكراً اقوى شي لابو عبدالله على تفسيراته..

8
8
8

تصدق احس كان المعلم يفرشك بالمرسمه ام تمساح

الرجول ماش رجول

تصدق يبو مهنا مدري انت يوم تجي الطائف ماتمر على اماكن التراث ........... ولا مغير في الردف الي انا خابرها ......... ياسبحان الله يوم اذكر مدري وشو وداك هاك المحل .

^
^
|

أنت لاعاد أشوفك توطوط هنا ثاني مره
مفهوووووم

<<< عانها خمـّته

ولازال عنده جراءه في الطرح



..

صديقي العطاوي

اشكرك على تواجدك ، وكنت ناوي أعلمك باماضوع مكرر
انت جايبه وفراج الدوسري جايبه قبلك اللي هو ( قلعة وادرين )
<< مالقى لها مجال غير هنيّا ..

سلام’ عليكم

الله الله الله

وش هالأبداع يا عبدربه ,,

حضرت وحضر التاريخ هناااا ,


شكراً جزيلا لك ,


وليتك تغث سنجار دايم عشان تجينا بمثل هالصور ,

مشخــص

الله يعافيك أنت كماااان !

ولكن وش تشكر سنجار علااااه <<< نوى يناقمه

كل اللي ذكره موضحه أنا قبله


بس حظوظ ناسمع ناس كما قالوا


يالله يستاهل سنيجير


سلام’ عليكم

اما التعليقات لحالها يابو حواء

لاهنت

تقديري

ابن مردااااس ..

أبك أثرك سنين أبوي


لاهنت على تواجدك يافارس وسلّم على السر والتسرير <<< صبها احقنها


تحياتي ومعزتي


..