( الشاعر الشاقي )

السلام عليكم ورحمة الله وبركاته

الشعر بين الأمل واليآس
غنيمة الشاعر الشاقي

لو ما يلامس قلوب الناس
وش عاد لا جفّت اوراقي

وش البنادم بدون إحساس
ياوردة ٍ فأوّل الساقي

قلبك ذهب والغرام الماس
يبّرق بصدري وخفّاقي

طيفك يمر الفكر عسّاس
وتصافح كفوفه أشواقي

لبّى نحر عودك الميّاس
ولبّى ثغر قيّد اوثاقي

كف ٍ محنا وزين إلباس
من شوفته زانت اخلاقي

وجيد ٍ رشيق وعيون نعاس
ونفحة عبير وعطر راقي

لا مرّ مع جرّة الأنفاس
تزفر ضلوعي من اعماقي

هذا وأنا ما شربت الكآس
وشلون لو بلّت أرياقي !

.
.
هذا وأنا ما شربت الكآس
وشلون لو بلّت أرياقي

ياسلاااااام علييييك

قصيده محلّقه في الافاق
وشاعر يروي المشاعر

صح لسانك يانايل ولله درك

الله
الله
الله
صح لسانك مليون يا نايل

عذب عذب عذب
والشهاده فيك مجروحه
دام بوحك ودمت في خير ياصديقي

ياسلام يانايل
شاعر عذب ومبدع

صح لسانك مليار

تحياتي

بيض الله وجيهكم وبارك الله فيكم اخواني

كل ٍ بشخصه وبمكانه ومقامه , لاهنتوا