(( مالها عنوان ))

السلام عليكم ،


أجمل ما في مرقاب المواهب ولا يهون الشعبي أنك تسجل دخولك لموضوع جديد وانت لا تعرف وش تبي تكتب وبعد خمس دقايق تقرا اللي كتبته

هذا اللي حصل لي الان .. ومشاركه على طرق ( ثروت يا مثروت )






ياهاجسي سمّ بالرحمن

__________ وأسلم ودوب الغنا دوبه



دوبه ودوبك وفالك زان

__________ لو بعض الأفــوال منكوبه



كوسرني أكوسر الألحان

__________ نوبه و لا عقبها نوبـه



أبعتـزل وأقفل البيبان

__________ وأغيب في شبه غيبوبه ‍



آخر علومي مع القيفان

__________ الشعر لا ينفتق ثوبه



يلعب هجيـنيـّته هجـّان

__________ ويجرّ سحـّاب مسحوبه



والشاعر الفاضي المليان

__________ معروف من منطق اسلوبه



فطين قلب وفصيح لسان

__________ ويحكّ ساقه بعرقوبه



ما غير يرثع مع الخليان

__________ مبدع وفنان واعجوبه



اعجوبه ومبدع وفنان

___________ لا صفـّقوا له وطارو به



وإليا ابتدت لعبة الورعان

__________ تلقاه للورع لعبوبـه



لو يشقر العود ابو دخان

__________ ما يدري النار مشبوبه



منزوغ من نزغة الشيطان

__________ ولو نقرصه يعلن التوبه



يجمع على مدّة الذرعان

__________ ثنتين .. والنعم والكوبه ؟



سلام ردّه على الخلان

__________ محبوبي أصبحت محبوبه



لو عذربوا حسنه الفتان

__________ ( يا زين خليّ وعذروبه )



يوم اعترض لي وانا شفقان

__________ لديت عين الغلا صووبه



والختم بـ المسك والريحان

__________ قصيدة ٍ غير محسوبه



عنوانها .. مالها عنوان

__________ ألاّ .. على الراس مصلوبه


وسلمتوا ،