,,, دُرر ,,,

,

,

صلّوا على النبي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صمتش درر وإحكاش يا درّه بعد مثل الدرر=شفايفش كلامها ما يطلع الا مستوي
مثل إدخنةْ جمر الغضى والا ادخنةْ جمر السمر=لو ما نشب النّار ما دخّن كثير ولا شوي
وإذا طرت بعض السوالف كن في راسش سطر=كنّش حدااا حكّامنا متحامي ٍ لإبن جلوي
ما قلتها ب/لسان عشّيق ٍ معه قلب خضر=اقولها ب/لسانٍ محنّك معه عقل ٍ سوي
زود ٍ على قلة إحكاش يزيّنش صدر ٍ قبر=من يدخله ميّت . ويا كم داخل ٍ به مشتوي
وقوفش وهيبة خطاوّيش مع رزة صدر=ما تعتبر في هيكلة غيرش جمال ٍ معنوي
هاتي سواليفش ترى ما عاد به عندي صبر=ليل الشتا طوله قصر .. والليله ابغيه اسروي
انا دخيل عيونش الثنتين .. لدّي بالنظر=يبْست عروق العين يا عل وعساها ترتوي
اروح في عين امّها من عين من فيها حوَر=وأذوب منها كل ما لدّيت فيها وأنطوي
أسلم من أسلم يا عيوني من عيونش / من كفر : =باللي يقول : إن الحوَر هو شف بال المهتوي
ما الوم فيها من وعى من شوفها والا سكر=ألوم منهو طلّع عيونش ب/شكلٍ فوضوي
انا بحر ويجوز لي ادعيش : يا درّة بحر=يا سيدة من توجت تاج الجمال الانثوي
يا جامعة زين البدو و شوي من زين الحضر=كنّ أمّش بنّية حضر وإبيش من صلب بدوي
يأم النحر اللي اذا شفته غدا شوفي شجر=كنّه يهيّا لي بروق ٍ تدوي بعرضه دوي
ومعنّق ٍ كنّه مفصل فيش من فوق النحر=وإذا التفتي به تلفّاتش تلفّات خلوي
يلعب بي إن عذربتش بخصر ٍ مساحاته دهر=شي ٍ تحت خصرش يكذّبني ويكويني كوي
[/poem]

وسلااااااامتكم

,