سـجــن المظـالــيــم << فايــز الميمــونــي

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على التمنّي نطرد احلام باحلام=وعمر المطالب ماتجي بالتمنّي
واقع على وقتي ووقتك من العام=اخلفت فكري فيه واخلفت ضنّي
من دورة الدنيا ومن جور الايام=ابكي على ضحكة حجاجي وسنّي
تمطر عيون وتنبت ابيات والهام=على صحاصيح الورق ينبتنّي
دمعة عيون تحرك دموع الاقلام=ولولا الدموع اقلامنا ... ماكتبنّي
تربطني الفكره وتعتقني اوهام=من سجني اللي صار فيني ومنّي
متهم وحكمي لا مؤبّد ولا اعدام=مظلوم في سجن المظاليم اغنّي
واكتب على الجدران {فالناس ظلّام}=عبارةَ بأقصى الضماير تدنّي
سر الظلايم يهدم اسرار الاهرام=هذا الصحيح وردّو العلم عنّي
للمجد بنّايه وللبيت هدّام=وروساً بليّا عز ماينهضنّي
فالناس تلقى فيه راعي وخدّام=وفيهم شيوخ بشوتهم يسحبنّي
والموت واحد واصمع القلب مقدام=يدري بكم ونفوسكم مادرنّي
حطّو بصفحات الزمن بصمة ابهام=الطيب يبقى والجثث يدفننّي
ترى النعام بروسه العز مادام=ولو فيه ذرّة عز ... ماخنّعنّي!
ما فالخناعه خير ولحاكم اكرام=واليا تخانعتو فلا يكرمنّي
شدو بعضكم وانبذو كل نمّام=لين النمايم واهلها يبعدّي
ولا تطلقون الحبل وتطول الاقزام=تكثر عيال العجز ويعجزنّي
ياما حديد يطق ويفكك الحام=ولا قلب حن و لا حديداً يونّي
هذا هو الواقع .. ومن طاح ماقام=هوامش التاريخ مايرحمنّي
قالو {راكان} وهمشّو حذفة {ادهام}={ويا فلم فيك ادوار مايحذفنّي}
على العموم ,, الله ولا بعض الافلام={عهده على الراوي} فلا تمتحنّي
لكن حروف . الجيم . والميم . واللام=تصمد لو ان حروفكم يكسرنّي
كسر الخواطر , ماجبر جبرة عظام=لو الزجاج اكسورها يجبرنّي
ودام الشجاع اليا { ولى } يرحم ارحام=ترى الضعوف اليا {ولت } تكفرنّي
زيدو تلاحمكم وابو ضيم ينضام=وضلع الذيابه مابدى فيه جنّي
وترى الفتن تكبر وتذهبكم اقسام=ذهاب ملح البحر يوم اذهبنّي
شوفو شعب لبنان وشعوب صدام={الناس حباَ .. والفتن يطحننّي}
والجمع عز {هتيم} ما عز الاغنام=الله ربي وربهم ليس انّي
مختال وامشي من فخر بين الانام!=أستغفر الله لا حشا واشهد انّي
أضرب مثال ولا تحاقرت الاقوام=والله زبنته يوم حظي زبنّي
لفتة نظر تمّت على الواقع اتمام={كثرة سكاكين ,, وبعير امتثني}
تصغر على عين الجمل كل الاحجام=الا سكاكين البدو {يكبرنّي}
ومبدا النهايه عندما تمسك ازمام=من حيث ما تبدي بها .. ينتهنّي
وتبقى الحياه . نفوس . ودروس . واحكام=وحيوان ينطق من عقل مرجهني
من مغريات الارض متحطّم احطام=يجمع من الدنيا متاع ويدنّي
بأول حياته {خام} وانهايته {خام}=لحماً يزهمل {ني} وتكفنّه {ني}
[/poem]

الله الله
الغالي / فايز الميموني
يا سلامي عليك
صح لسانك واعتلا شانك
ابيات رائعه بروعة حضورك

تشرفت بحضوري الاول
لاخلا ولاعدم

ياسلام ياسلام

عليك يالميموني.....

ارويتني شعرآآ في هاليووم المبآآرك.....

شآآعر مبدع...

وصح لسآآنك مليآآآر ولاتكفي.....

وعسى الله لايلجم لك لسآن....

تقبل تحيّتي ومودتي....

الله الله
ياسلام ياسلام يافايز ,
صح لسانك وبيانك رائع ومبدع ,
مودتي لك .

فايز الميموني



صح لسانك عبارة لاتفي بحقك تجاه هذه الشامخه



مبدع ورب الكعبه



مودتي

فايز الميموني

مبددددددع
صح لسآآآآآآنك
ولاهنت ع هـ آلحضوٍررِ

لـكـن حــروف . الجـيـم . والـمـيـم . والـــلام
تــصــمـــد لـــــــو ان حــروفـــكـــم يــكــســرنّــي
كـســر الـخـواطــر , مـاجـبــر جــبــرة عــظــام
لـــــــــو الــــزجـــــاج اكـــســـورهـــا يــجــبــرنّـــي
ودام الشـجـاع الـيـا { ولــى } يـرحـم ارحــام
تــــرى الـضـعــوف الــيــا {ولــــت } تـكـفـرنّـي



الله عليك يابو جزا

صح لسانك مليون ولا يكفون

مبدع مبدع

الله لا يظرك

لك مني كل الود



اخوك

ياسلالالام يا فايز قصيده رائعه بروعة حضورك وصح لسانك عدد بلا مدد وفي انتظار جديدك .

تقبل تحياتي

سـر الظلايـم يهـدم اسـرار الاهــرام
هـذا الصحـيـح وردّو العـلـم عـنّـي

صح لسانك ولا هنت

المشاركة الأصلية كتبت بواسطة سلطان العطاوي

الله الله
الغالي / فايز الميموني
يا سلامي عليك
صح لسانك واعتلا شانك
ابيات رائعه بروعة حضورك

تشرفت بحضوري الاول
لاخلا ولاعدم

ارررررررررررررحب يالعطاوي وياهلا وغلا

ومرورك شرف يالغالي

وصح بدنك