فراق المحبين !

السلام عليكم




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله على اللي تونا مشترينه = اخر موديل ومامشى كون تمرين

اموردّه عبدالغني قبل حينه = مامداه يدرج في خطوط البلادين

كنّ حس سلفه لا اشتغل في سكينه = زقارةٍ شرّابها مونس البين

ياعنك ماتشره على امصممينه = لو ان لهم دينٍ وحنا لنا دين

بأحدث اساليب العصر بادعينه = لاشكل لا ديكور لا لون لا بطين

لا القير لا ظفيرته لا المكينه = لا اسيات لا سكبه ولا مظهرٍ زين

يطري عليك اليا اشتغل سكن عينه = سربوتيٍ متعاطي الّه كوكايين

صافطه بن شبّاب لمدورينه = وجينا وتليناه باميه وخمسين

وفي ظرف ساعه علقّت لوحتينه = بأرقام فضيّه على شكل رقمين

وحوّل بأسم مسفر زبون السمينه = اسنافيٍ لامن بدا الازم ايبين

وقبل العشى يستدعي امصليينه = لنيّ امجنّح به من الدوحه ايمين

على الطريق الليّ يكب المدينه = تقدح رداراته على ميسر العين

وجهه شمال ومن قطر ماخذينه = من دار بن ثاني زبون المخلين

عرّض على المركز ومدّ بيمينه = جوازه وتوكيله وسار في حين

واقبل على سلوى وجا مفتشينه = وطوّف على شانه يعرف القوانين

وطاف المراكز والسعد في جبينه = ايعلّم امبيره على رقم ميتين

سرى على الطرقه يسابق خدينه = وانا سريت امن التوجّاد ياسين

ذبيت صوتي لين بيّح كنينه = ماني بداري كيف اابدي ومن وين

عليك ياطب الفؤاد وحنينه = يافارعٍ زينه يفوق المزايين

ماله شبيه ونادرٍ رق زينه = اليا حكى ببزين وان سار ببزين

امدلعٍ خلقه ومن والدينه = لاقال ابي ذالحين يصير ذالحين

رعبوب بدوٍ لابته محتمينه = امعربٍ مافيه وحده وثنتين

من روس قومٍ في ظفرهم غبينه = ماشيختّم فالبلاد الملايين

شيخان من عاد السيوف السنينه = تطعن وتبطش دون سود العرانين

يسقى علي يوم العلاقه متينه = قبل الاماني تسرق المستحقين

وقبل القصيد وكثرة امتابعينه = واعلامه ونظرة اعجاب ودواوين

تجمّعت واليوم ويني ووينه = قفّت بنا الايام واليوم عامين

حسبي على الطاري وحامي عرينه = شق الفؤاد وحط للجرح جرحين

جرح الفراق وجرح نفسٍ حزينه = سوابي بي اسواة اليهود بفلسطين

اتلى العهد به يوم طوّح يدينه = وقفّى ووادعني وداع المحبين [/poem]