الحب / المطر!

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ما به طريق ولا رفيق ولا ركوب ولا سفر=ودي اغادر وانصدم إني فقدت الأربعه!
ما باقيٍ غيري على كثر الفيافي والبشر=تومي بي كفوف الشمل في كف يمنى المقطعه!
وأشيّل كتوفي الحمل وأعلّم جفوني السهر=وأملى خفوقي بالبكا لين الحنايا تدمعه!
وامدّ شوفي واكسره وامد قلبـي وأنكسر=وأرجع على اللي لا نبض قلبـي ، فـ قلبـي اسمعه!
اللي محى من خافقي كل الاسامي والصور=كنه لمن قبله يقول: الله معه الله معه!
كنه وقلبـي فـ الهوى، قبطان مركب في بحر=تنوخذه واستحوذه وابحر وفلّ الاشرعه!
ويمّم على وجهة غياب ولا ترك خلفه عذر=حتى لو اعذاره (مـ) هي في كل مره مقنعه!
دايم وهو وافي جفا ولا الوصل فيما ندر=مع إن ما عنده سبب في وصل قلبـي يمنعه!
يا قسوته وأنا على قاع الرجاوي منهمر=أمني النفس( بعسى دربٍ خذاه يرجّعه)!!
وأقول لأشيائه معي ما للغياب إلا الصبر=وإن خالفتني ، قلت: ما في قطع مثله منفعه!
اللي قبل لا أعشقه وأنا على بيته أمر=وبالنبض اطلّع مدة الوقت اللي لأجله بأقطعه!
ومن بعد عشقه ما بقى شيٍ معي ما ينتظر=صوتٍ ينسينا دفاه ، الكون هذا بأجمعه!
وشلون مع هذا الغلا والشوق والحب /المطر=أنساه، وأجبر خافقي يجذب غلاه وينزعه!
بأبقى أحبه وأعشقه لآخر دقيقه فالعمر=وفداه قلبي لو لقى من جور صده مصرعه!![/POEM]