ياللي تغرك ضحكتي بعض الاوقات

[poet font="Courier New,2,black,bold,normal" bkcolor="skyblue" bkimage="backgrounds/18.gif" border="groove,4,gray" type=2 line=200% align=center use=ex length=4 char="" num="0,black" bold=" glow(color=6)"]
اخواني رواد المنتدى
السلام عليكم ورحمة الله وبركاته،،
اقدم لكم هذه القصيده عسى ان تنال اعجابكم

ياللي تغرك ضحكتي بعض الاوقات=احيان بعض الضحك معناه موتي
اوقات تلقاني احكيك بسكات=يوم الكلام يموت داخل سكوتي
يوم الحناجر تحتضر فيها الآهات=واعجز عن الشكوى ولو طال صوتي
حتى الامل من فرحتي صار يقتات=وانا احسبنه لاقسى الوقت قوتي
قمت اجمعه واقول للحين ما مات=واقول لايمكن بعيني يموتي
شف ما بقالي غير من حلمي اشتات=واقف واتاضر كيف حلمي يفوتي
ما في يدي حيله ولا عيني تبات=واكن عبراتي واردد قنوتي
مكابر واقول هيهات هيهات=يفرح بي اللي لادرابي شموتي
وانا تراني لا قسى الوقت بالذات=يزداد مع قسوة زماني ثبوتي
وياللي تغرك ضحكتي بعض الاوقات=يغنيك عن بعض المعاني سكوتي


[/poet]