تنثر شعرها

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقاف عطني من الجزلات واطيبها= تبقا للاجيال ذكرى عنـك ترويهـا
عدّ الحقايـق وصورهـا ورتبهـا=وانا على هقوتك بالصوت اغنيهـا
والله لو ماالغـلا حـرام مااكتبهـا=لكنّ .هذي مشاعر كيـف اخفيّهـا
ياديرتـي ياترآنيمـي ويااعذبهـا=ياجمل قصيده من أولهـا لتاليهـا
عريبة الاصل والتوحيـد منسبهـا=إيـوالله احبهـا وآحـب طاريهـا
ماكنهـا الآ تجاوبنـي واجاوبهـا=وتضمّني ضمّـة الطفلـه لغاليهـا
تنثر شعرها علـى نـودٍ يلاعبهـا=واكسر لها بالنظر وآقبّـل إيديهـا
ترسي على جال غبتهـا مراكبهـا=ياكبر تاريخها فـي عيـن قاريهـا
احيا لهـا وآتمتـع فـي مناكبهـا=من دونها النفس مرخصها ومهديها
ارواحنـا لآدعتنـا مـا نشحبهـا=نرمي بها والتوالي عنـد واليهـا
معـاش راسٍ يدنسهـا ويرهبهـا=وأقدآم اهلها على البيدا مواطيهـا
وحكامها عـزوةٍ تفتـل شواربهـا=حماية الديـن والعوجـا عزاويهـا
روس السلاطيـن يالله لاتغيّبـهـا=منّا الولأ حاضر الدنيـا وماضيهـا
ياعنك ماننثني مـن دون واجبهـا=حقٍ علينا نبيـض وجـه راعيهـا
يكفي بلادي من المشرق لمغربهـا=في حضْرها في بحَرها في مفاليهـا
ترديد صوت المنادي يـوم يندبهـا=قومن على الحق رب الكون هاديها
ويكفي بلادي وهذي من مكاسبهـا=مكه وطيبه وابو متعـب واهاليهـا
[/poem]