رحـالـ ...!

[frame="7 80"]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


يمروا الراحلين اسلاف وارتال = وتهب ريح الوداع كفوف تومي
والغترة اللي تأمل طلّت الشال = تهايقت من ورى عاتق همومي
ماقدّمت دلّتك ليديّ فنجال = وانا المباهر قليلة في لزومي
لا صرت طرقي و قلبك قلب جمّال = لبّست كل ارتحالاتي كمومي
والذيب في ما مضى قد قيل رجال = وانا الذيابة توارى في هدومي
لو كنت باقول ما يطري على البال = تطايحت من سما صمتي نجومي
معاد في خاطري لك شي ينقال = حتى علومي تجافت من علومي
خضت العميق وركبت الصمت رحال = لا بتل حافر كلام ولاعزومي
بدّلت خضرة ضريعك باشهب اللاّل = وابتعت ليل السهد بالحاف نومي
يا صاحبً حال فعله غيّر الحال = نزعت خنجر وعودك من كلومي
لبّستني من حرير آمالك أسمال = ولا وقاني دنفها من سمومي
ليّام طالت وحلمي فيك ما طال = شيً زرعه الوفا من يوم يومي
[/poem]
[/frame]