عقداللي على غلاف المجله

السلام عليكم ورحمة الله

ومبروك عليكم الشهر الكريم
[poem=font="Simplified Arabic,4,black,bold,normal" bkcolor="sienna" bkimage="backgrounds/33.gif" border="solid,4,white" type=2 line=0 align=center use=sp num="0,black"]
راكب اللي في حلوله وارتحاله=هيبة التقدير والاجلال كله
جامعٍ بين الحداثه والاصاله= ولابسٍ من فاخر التصميم حله
يفتخر في صالة العرض بكماله=تشخص الانظارفيه ولا تمله
وارد اللي مايعرفون البطاله =مالهم غير العمل مذهب ومله
صممه من لا على الله اتكاله=كل بابٍ للمخاطر حاسبٍ له
جيب لكزس في مديلاته لحاله=حل فاالمينا وكنه مستحله
من تويوتا الاصل يانعم السلاله= انتماءه والوصايف مستقله
تدرك اعجاز الصناعه من خلاله=وزنه المالي يعادل وزن فله
واعتزازه في وقوفه واعتداله=مثل شبلٍ مستعدٍ فوق ظله
مستعدٍ للسفر في كل حاله =لين سموه المطانيخ المدله
وكن لونه لا جلى زيت الوكاله=لون عقد اللي على غلاف المجله
لؤلؤيٍ لأشتغل كن اشتغاله=صوت وبال المزون المستهله
منوة اللي لا طراله ما طراله=دق سلف ومع شروق الشمس تله
لا دعسله فز من جاله لجاله=فزة اللي ذاكرٍ ميعاد خله
وان نزل مع منحدر يختل ظلاله=وان تساوا كن في ممشاه ذله
وان عرضه كايد المرقى رقاله=مثل حرٍ ناويٍ راس المطله
نحره حائل وخص اعلى جباله=لا توانا لين تقلط في محله
ضلعنا اللي فالمهمات نعناله=وسيفنا اللي ساعة الشده نسله
مارد الضامي وينبوع الجماله=شيخ طلحه والموارث في سجله
ماورثها بالكلام ولابماله=غير بفعولٍ تثبتها الادله
وادري انه لأرتكا للحمل شاله=واعرف انه لا نظر للصعب حله
ثم قله قبل تسليم الرساله=بعد مايجل العمس فنجال دله
قله ان الوقت شدتني حباله=كل ماداويت عله جاب عله
وكل ماقربت دلوي من زلاله=قال صادوف الليالي عنك خله
لين زاد الصبر عن حد احتماله=والعمر قامت تعاقبه الاهله
كل مطاع سمس ينقص من لياله=تنتهي مابين نار وبين مله
عاد ياللي فالقسى قافي شكاله=فالرخى مأنهج لغيرك عانيٍ له
دام ابوتركي على راسه عقاله=ماعلىّ اخلاف والدنيا مظله
ولا شكيت ألاّ على رب الجلاله=حق والشكوى لغير الله مذله
وسلامتكم[/poem]