دقن الزمن صار محلوق

السلام عليكم ورحمة الله
اليكم هذه المشاركه اتمنى ان تحوز على رضاكم واستحسانكم
هي المصافه الثالثه


[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحمد للي قدر ارزاقنا فوق=يعطي ولا منه عطى خير معطيّ
واليا منعنا شيئ خالق ومخلوق=حتى ولو متنا من الجوع ندعيّ
اهم شيئ رضاه والغير ملحوق=الغير غير رضاي لآبوي واميّ
الي رضاهم عن رضى الله مسبوق=ارضيتهم برضاهم ارضيت ربيّ
انا من الدنيا معدي عن السوق=واذني لبعض اصوات ماعاد تصغيّ
الواقع الي فيه عايش ومخنوق=الكل مثلي فيه عايش ويدريّ
نضما وليت ان الضما نشّف حلوق=ليت الضماء للماء ونروى ونروِيّ
حنا شربنا الدم من قلب وعروق=والدم لازم لاشربناه يضميّ
بعده شربنا الدمع صافي من الموق=واليوم اشوفه جف دمي ودمعيّ
ياليت همي هم عاشق ومعشوق=وانا ادري ان العشق له هم يضنيّ
الهم في صدري وفي قلب محروق=محروق ماهو من لهب نار او.. كيّ
ماعاد ارى للشمس في عيني شروق=حتى غروب الشمس ماعاد .. يعنيّ
كان القمر لا طل في عيني الشوق=واجمل ليالي لاطلع للقمر... ضيّ
كنت ارسم احلامي على صفحة الشوق=احلام ورديه ملت دفتري ..غيّ
اصور الي في حياتي لها آتوق=وانثر عليها من ورود الامل.. شيّ
ما خفت يوم الضلم والغدر والبوق=لاني مع كل البشر دوووم أوفيّ
احسب حساب الصدق في كل منطوق =حتى الشعر مازين الكذب وصفيّ
احسبك يالحاضر على وضع مرموق=حتى احس ان الخلق ماعاد تخطيّ
لاكن لقيت ان الزمن طاق مطبوق=لا شفت لاهذي .. ولا ذي .. ولا ذيّ
الحال كله في تردي وبه عوق=يعيش كافر لاجل نفقد ملبيّ
الغرب قيد عزمنا قيد موثوق=والقدس لقمه مبتلعها يهوديّ
نحيا وماي الوجه بالأرض مدفوق=والحي لو هو حي ميت وهو حيّ
المجتمع ثوبه مفتق ومشقوق=بان وتبين كل ماكان يخفيّ
أغلى من الرجال وحده من النوق=واطرب من القرآن همسات جنيّ
ما عاد نخشع لافضل القول ونفوق=نخشع لجرة صوت غنا بها اصبيّ
راعي الكبر يعتز فالكبر ويروق=الدين مابه دين والعقل رجعيّ
حتى النمايم سوقها صار مطروق=يشبع بني آدم من الآدمي نيّ
يعني كذا دقن الزمن صار محلوق=بالله من هذا الزمن ويش برجيّ
لو كنت عارف وش مقدر لنا فوق=من وقتها ماكان بتعب على شيّ[/poem]