مطلق الثبيتي ( رحمه الله) وصياف الحربي

هذه المحاورة جرت بين الشاعرين مطلق الثبيتي رحمه الله وصياف


الحربي بحضور صاحب السمو الملكي الأمير سلمان بن عبد العزيز يحفظه الله



صياف/
ياسلام الله ودار العز مرفوع علمها


.......................عقب شعشع نورها والظلم حال العدل دونه



الثبيتي لو اقول اقسم عيونك ماقسمها



......................والتفت فيه بنظرة حسد ويطير عيونه

مطلق/



يحفظ الله الجزيرة والشجاع اللي حكمها



.......................مثل قصر ثابت السيسان واخوانه حصونه



صاحبي صياف ينهبها وياكلها بدمها



........................ليتها ماتاصل الحنجور تنشب في سنونه

صياف/


المطية ماتقاود غير مع رجل خطمها



........................لو يضيع خطامها من طردها كثرت غبونه



انت اشوفك تفرس الصيدة وتاكل من لحمها



........................ والخوي لاضيع القانون قاموا يشمتونه



مطلق/


المطية خلها في الدرب لاتكتم نسمها



.........................واحترص من غضبة الجمال لايضربك شونه



كل حية سمها في بطنها سديت فمها



................... وان لقيت الوعل ابو قرنين اطقه في قرونه



صياف/


اكثر العربان يلزمها وكنه مالزمها



.......................ثم راح من الزعل يمشي ويقطع من ردونه



انت مثل العقرب اللي تخلع الناس بوحمها



......................مار جاها قاريُ شاطر دهنها من دهونه

مطلق/



ماعليه من عجوزك كان ماضوت غنمها



....................... وان زعل صياف جعل اللي وراه يحول دونه




امس يبني عشته في الضلع واليوم يهدمها



........................ والهبايب ماتهبه والطراقي مايجونه



صياف/


الله انه ينصر السنة ويظلم من ظلمها



......................... والعرب مايطحنون الحب لين يفتشونه



لو تشوف العشة اللي صاحب الخبرة حزمها



..........................فوق ضلع كل ماطاح المطر تثمر غصونه




مطلق/


الآشارة فآخر الشارع بصدامه صدمها



..........................الونيت اللي قديم وكل يوم يوظبونه




المنايا ياوسيع العرف مايخطي سهمها



............................ مارخلك صالح النية وعمك لاتخونه




صياف/



القلوب العمي خل الذيب ياكل من شحمها



.......................... والونيت اللي يسوقه صاحبه لاتقربونه





ليت بقعاء تلمس الرمضاء وتاكل من قدمها



..........................وانت يابو راس راسك ماتغير عن متونه

مطلق/




العيون اللي تهل دموعها منهو لطمها



...........................لو عرفته كان خليت الجماعة يحبسونه



المطية يوم ريض مشيها محد( ن ) نهمها




........................لو نهمها كان تاصل مطرح (ن)ماتاصلونه




-------




ــــــــــــــــــــــــــــــــــــــــــــــــــ
ــــــــــ

اخوي سلطان

تسلم على هذه المشاركه

واعلم ويعلم الجميع انك تحتفظ بموروث كبير من الشعر لكبار الشعراء

مايجهلة البعض ان هناك محاورات ليست الا لدى المنصوري

هذا مايجعلنا نطمع بمزيدك ومديدك

الرجاء تزويدنا بمحاوره سبق ونوهت عنها واتصلت بالشاعر مستور العصيمي بشانها

اذكر منها البيت القائل

ليا زاد الحلا مااعاد ينذاق ,,,,,,,,,,,,,,قبل لاتشرب الفنجال ذوقه



ولك الشكر والامتنان

رحمك الله يامطلق لقدأ بقيت لنا الشعر حياً بعد مماتك .
ومن يستطيع أن يرد للشعر جزالتة وقوتةبعدك ولكن يبقي لنا تراثك الشعري منهلا نستقي منه أعذب الشعر وأجمله.

فشكرا لك ياسلطان الذي اتحفت أسماعنا بهذه المشاركة التي تنم عن فكر المتميز بمحافظتك على التراث وذوقك الشعري الرائع


وإلي الأمام دائماياسلطان الشعر