38×14 (( تقديرا لسداح )).....؟؟

((38)) عنوان من عناوين قصائد الدختوور سداح
حاولت جاهدا ضمها في (( 14 )) بيت وعسى ان أكون وفقت

كل ذلك لعيون الدكتووور اللي ماعاد نبغاه يأخذ اجازات بالمرره
بالرغم انها لا تفي شي في حق هذا المبدع

عاد اسمعوا :

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""](لاب توب) و(خلل فنّي) وغلطة فوادي=ماتْركت ل..(الحروف الابجدية) شريده
مير يا..(الحاسب الآلي) هجادك هجادي=انتخ ( اقرب جهاز) وسجل أغلى قصيده
(الخبر حصري) (ألم تسمع) اللي ينادي=راعي (الخزنه المسروقه ) انفك قيده
لو يُشدّ ( البعير الفارسي ) بالشدادي=(العراق الموحد ) (فتح الإسلام ) بيده
في (خليجي) غدت (تكفون تكفون) عادي =و(جورج قرداحي) اكبر ما يهمه رصيده
(الاجتماع الوزاري) ضاربٍ عرض وادي=لكن (أصعب حدث) و(آخر فضيحه) وكيده
واعتزى ( الشيخ والتاريخ ..) سلْم ومبادي=ينفض ( اللحيه الشمطاء) ويزهم عقيده
( قرعه) وعوّدت ( زبدة كلامه) زبادي=والخبر ( فص ملح وذاب..) وسط الجريده
ودّع ( الشيخ ياسين ) السيوف الحدادي = وجاك (أبو الهش) و(ستار اللحون) الجديده
و (داعي الاحساس) من (فيض المحبين) زادي=(حي صوتك) و(شرم الشيخ) ماهي بعيده
(ما يموت الشعر) و(النرجسيه) تنادي=ينقص الحب و(القلب المخضرم) يزيده
والشعر (موهبه وشعور) , خل الدوادي =كلها (طبخ فوس) ولبخ روسٍ عنيده
كانّي جيت و(اسمي مستعار) ووكادي=لي معَ (مبدعين الشعر) وقفه فريده
وكان قفّيت ما خفّيت (ثروة بلادي)=واعتبرها مع المرقاب (فرصه سعيده)[/POEM]

المسرّي