الغزلنجي وبنت السوق

[align=center]
السلام عليكم

والله ياجماعه هالأيام ما ندري من الغلطان ؟؟ لكن الله يحفظنا
لقلوبكم هذا النص .[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أكبر فشيله من اللـي يـوم أكلمهـا=بالسوق تدعي عسى الله يقطع إلساني
ويحّمر وجهي حيا وأبعد وأحشّمهـا=ويأخذ ظميري ثلاث أيام زعلانـي
و اهاوش النفس وأظربها وأخاصمها=كلبه تعاون شياطينـي وتعصانـي
لاشافت اللي تبـي واحـد يرقمهـا=تطلع من الجسم و أمنعها وتقوانـي
وينسى عفافي حلومٍ كـان يحلمهـا=صحّته منها حرارة كـف شيطانـي
ومأبرّي النفس لكن ليـش نظلمهـا=ماني لحالي على ماظـن غلطانـي
اللي حشر بشتهـا بـارز معالمهـا=شترا تهصّر و تحرق كل وجداني
ماينشد إلثامها عـن خشمهـا فمهـا=خلته عن غشـوة البـدوان برانـي
بانت خياشيمها وطريـف مبسمهـا=كنه مـن لثامهـا بالحيـل حرانـي
جمرٍ تهفه مـن الأعلـى مناسمهـا=أجمل إطارٍ تحوّط فيـه الأسنانـي
ياليتنـي لثمـةٍ تلمـس براطمهـا=وألا جكيتٍ يغطي داف الأحضانـي
بيضاء وتلمع بـيسراهـا خواتمهـا=أظنها بنـت طحطـوح ٍ وشبعانـي
الفقر ماهو سجـن بالبيـت كاتمهـا=تفر سـوق الذهـب دكـان دكانـي
وياهولتي زينهـا وشلـون ليّمهـا=أنا أشهـد إنـه مرستكهـا وفنانـي
قلبي تفل حبهـا وعينـي تعظمهـا=مستهتـره كركريّـه تاكـل لبانـي
ماني وأنا عبد رب الكـون لايمهـا=إذا نسيت أشتري حاجات ورعانـي
وقفت أناظر مفهّـي فـي معالمهـا=لين أحرقت خبنتي جمرات دخانـي
يلعن أبو جدها وأصغـر محارمهـا=وسواق أبوهـا مُدسّـر البكستانـي
ويالله عساهـا لمقـرودٍ يلطمـهـا=جلفٍ وجثـه ولا يرحـم وفسقانـي
ياطى رقبتها وبعد الموت يرحمهـا=لارحنبوها بغيت أعيـف عربانـي
من عقبها حالتـي مانـي بفاهمهـا=أسبوع كامل أشوف الشيء شيئانـي [/poem]

[align=center]عذاب الغراميل[/align]

ماني وأنا عبد رب الكـون لايمهـا
إذا نسيت أشتري حاجات ورعانـي
وقفت أناظر مفهّـي فـي معالمهـا
لين أحرقت خبنتي جمرات دخانـي



مالك لايم



بلاك من الشوفه



صح الله لسانك يا عبدالرحمن



ولاهنت



تحياتى

الشاعر عبدالرحمن بن عيد......صح لسااانك واعتلى شانك
.
.
تحياتي وتقديراتي..

الأبيض خالد الذيابي

صفاء قلبك يجبرني على حبك
ونبل خلقك معي يحرجني

دمت أبيض طاهر نقي يارائع

أخوك / عذاب الغراميل

الغالي فيصل السواط

شكرا على مرورك الكريم ودمت لي اخا عزيزا

اخوك

عذاب الغراميل

مرحبا ومسهلا يا عبدالرحمن












صح الله السانك ولاهنت










أبدعت وأمتعت .. لله درّك







لك التقدير والاحترام