أسـمع يا بن وسـام ..

السلام عليكم ،


شرفني الشاعر الكبير سلطان بن وسام الهاجري بقصيده من نوادره على الرابط أدناه

http://montada.mergab.com/showthread.php?t=25744


في البدايه لابد من ذكر نقطه مهمه بالنسبة لي ..
الحقيقه الرد على الاعلام أعتبره امر صعب ولذلك لا اسعى للتنقيح والاطاله والمراجعه لأني في النهاية امام شاعر علم .. لذلك اقبولها بطلعتها الاولى كما هي والله يزيدك شرف يا بومحمد ..



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]الفلك ما يدرج بليّا محاصيل= سبحان من يكتب حصيل إدورانه
.
ياسرع دوراته من الصبح لليل=لا أمسى في خانه دار وأصبح في خانه
.
نتايجه ماعاد تحتاج تحليل=محلـّلـه بين القساء والليانه
.
قام التطور ينفض الراس والذيل=ويرومش بعينه وتضحك ثمانه
.
أضفى على بعض المفاهيم تعديل=و وثّق تعاميمه وعممّ بيانه
.
وحنا نصيح وكلّـبونا معاليل=والقيزخاني قفـّـل القيزخانه
.
ومن قال لي طير السعد .. طير أبابيل=أقول له وجهة نظر مير زانه!
.
حي الله اللي وقفته تعدل الميل=اللي بدون رهان يكسب رهانه
.
شاعر علم وأشهر من الجدي وسهيل=أروق مع فكره ومنطق لسانه
.
برقيّته من راسه ( مكالمة تيل ) = عنده عن أمراض التكبّر حصانه
.
أقدّره وأغليه .. بالحيل بالحيل =قدّام لايشرّ عليـّه بنانه
.
فرقه عن اللي يلعبون المواويل=يجيبها من كل محّار دانه
.
هذا يا بن وساّم وقت البهاذيل=زخم ٍ على ماقلت في عنفوانه
.
عندي طفح كيلين .. وعندك طفح كيل=من مجلس الأمه ومن برلمانه
.
يا كم عطانا من علومه تهاويل=ولا قد عطانا قفشة ٍ من حنانه !
.
مير الشداد اللي على غارب الفيل=لو نطرحه تكمل شروط المتانه
.
وأن قام حظ أم الحلق والخلاخيل=كملت .. وما لرزاح غير إرزحانه
.
حلحيلة ٍ يرضى بها كل حلحيل=لو يعتبرها واحد ٍ من خوانه
.
قومن بها يا لابسات البناطيل= واقعد بها يا لابس الجبّـخانه ![/POEM]



وسلمتوا ،،