ياسعود يامشكاي دق النواقيس

[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]ياسعود يامشكاي دق النواقيس = لمن يستمع باذنيه صوت المنادي
يامصيفين بجو لندن وباريس = في ذمتي ماقصدكم بالبرادي
صافي الهوى ومذعذعات النسانيس = بدياركم لعلكم للنفادي
من هضبة الطايف الى داربلقيس = في راس ضلع وفي خميله ووادي
في كل عصريه مزونه مراويس = يسقيه ربي من مزون غوادي
لكن سايقكم هوى النفس وبليس = وحب المظاهروالريا والعنادي
تبون سهرات بضوالفوانيس = انته بنادي والحليله بنادي
ورمي الحيا والبشت في داخل الكيس = الى موعد العوده لارض البلادي
الرب واحد يابعيدالمراميس = والدين امانه في رقاب العبادي
يشوف ماسويت خلف الكواليس = اكيدماهوقول حسب اعتقادي
ولياقضىالمصروف جيتومفاليس = اطياركم كنه عمود الجرادي
ولبستوالحشمه وزين الملابيس = عقب الشواطي واشتباك الايادي
هذا يسمى في الشرع نوع تدليس = لكن ماتخفيه ل اللة بادي
واستثني اللي رحلته للنواميس = افاد في رقي العلا واستفادي
اللي طلب للعلم درس وتدريس = خمس الفوايد عادفيها واجادي
واللي سعى للرزق في الدارويجيس = جاس الديارخلالهاثم عادي
ولامريض مونس له حواسيس = لمفارق الاوطان حاديه حادي
قلته واناماني على الناس بليس = لكن ابين ماختلج في فوادي
وصلاة ربي عدرمل الاطاعيس = على نبي لامتة خير هادي

وسلامة الجميع[/POEM]