خلل فنـّي !

السلام عليكم ،


خويطره لا أكثر..



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]على هونك لا تآخذني من المسموح للممنوع=ترا مانيب سامح لك على كيفك تمشيــّني

بعد ما جابك الله وأبتديت تنفــّذ المشروع=حصل عندك خلل فنيّ .. وقرّن الموازيني

تغافلني تحسب أنّي مغفـّل يوم أجي لك طوع=تناديني ولك حق الزماله يا مناديني

وأنا خابر وحبلي معك لا مثني ولا مربوع=أبغمـّض عيوني لا تكحـّلـها وتعميني

تطامر والبلد عامر بناسه والعلم مرفوع=ولا أدري وش يحدك بدّ خلق الله تباريني

أنا ما قلت ولّع في سماي من الشموع شموع=بلا دستور ولّعت الشموع وجيت ناصيني

تدلّع ما تدلّع ماني اللي يتبع الدلّوع=ومنطوق الدلع ما يصلح إلاّ للمحبيني

صحيح اني ما أعرف أليّن اسلوبي وصلف طبوع=لكنيّ ما تجاوزت الضوابط والقوانيني

مجملّ لا تقول أني بموت من الضما والجوع=أعرف اللي يجملّني ويشبعني ويرويني

بدا مانيب قايل طحت من عيني ولا لك روع=وش اللي جابك بعيني عشان تطيح من عيني ؟

لكنّ أجمع حسابك وأن جمعته عطني المجموع=أبشوف الحساب اللي تشوفه بينك وبيني

بعدها .. طوّل الموضوع وألاّ قصّر الموضوع =وسلّم لي على عمرك لو أنـّك ما تدانيني[/POEM]


وسلمتوا ،،