خلف هذال

السلام عليكم ورحمه الله وبركاته

جديده وتنمي ان تنال اعجابكم


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شاعر مع الشعار وافن باعي=من قبل لادخل عارفن مطلاعي
واختارمن طيب المعاني الجزله=باسمي وفيه بصمتي باصباعي
ماجيبها من غير ذوق ومعنى=لاجبتها تطربلها الاسماعي
يصغي لها الذويق في معناها=ويفهم لها من كان عقله واعي
الشعر له عشرين باب ومعنى=والي يدل ابه السنع ماضاعي
كم واحد غامر وطب بحوره=علي سفينه ماعليها شراعي
ضربها الغبه وحالت دونه=يبي الرجوع ولاحصل مرجاعي
ناسٍ تمنى والتمني ضيعه=بعض الكلام يقال ماله داعي
اما يجيب الدره المخزونه=والا يجنب والدروب وساعي
والي مايحمي بالقا ميقافه=ماهو مكلف يبحث الاوضاعي
يلي تقول ان الحداثه معنا=خله تراك تقلب الاوجاعي
ماتخفي ايام الزمن يتبين=والدهن لاجته الحراره ماعي
والشعراله ناس تحبك ابيوته=مهوب سايب له حماه وراعي
كثرت قنوات الشعر ورجاله=كل يجي في ساحته طماعي
لو كان مايدرون وش مضمونه=كلٍ يورد حجته شلاعي
الامسيات الي لها عشاقه=صوت وصدى علي النغم وايقاعي
يدينهم تومي وصوتٍ عالي=تقول من كثر البشر مرتاعي
وان جيت بحفظ بيت مماقالوا=عجزت احفظه لو احب اكواعي
كل علي ماقيل دانا دانا= للكيمرات وللفضا فزاعي
يجيب لك قطعه سحاب ونجمه=ويحولون اعلوها للقاعي
والشمس صار الها رصيفٍ يعرف=والبرق يرسل في النهار اشعاعي
واليا نشدته ويش يقصد فيها=حط المثل بطن الشعر شماعي
ناسٍ بلت شعر النبط وحروفه=والكل منهم للهزل بياعي
ان كان طال الوقت في هل الحاله=ضعنا وضاع الشعر والاسناعي
مالوم ابن شلحاط في ماقاله=انا اشهد انه ياعرب ملتاعي
الشعر عرفه عند من ضحوله=الي يكيلون الذهب بصاعي
مثل خلف هذال في وقفاته=والاسعد جدلان ذكره شاعي
والا كما بن عون هو ويا الخس=والا الحويفي يوم وقته طاعي
وناس كثيره ماقدرت احصيها=اشعارها علي الملا تنذاعي
جواهرن تعجبك في معناها =يطربلها من كان فكره واعي
تمت بذكر الله ولاحد غيره=وصلوا علي الي للهدا تباعي [/poem]