يابن روق !! ورد سعدي الكسر

السلام عليكم ورحمة الله وبركاته


اضع لكم هذه الابيات المسنده لاخي الغالي الشاعر سعدي الكسر

ورده علي


لعلها تنال رضاكم

[poem=font="Simplified Arabic,5,black,bold,italic" bkcolor="white" bkimage="" border="outset,4,gray" type=2 line=0 align=center use=ex num="0,black""]

انا عيا يجيني نوم ويش الحل يابن روق=عليه بالحرام اني حزين وحالتي حاله
غدا قلبي من اللوعات لامشوي ولا مسلوق=هواجيسه صباح وليل رجليه وخياله
يتله طاري الفرقا والا من رده المعلوق=خذاله من تباريح الهوى فنجال وبياله
فمدري نقفل الصندوق ولا نفتح الصندوق=سهوم الحب قتاله سهوم الحب قتاله
جرحني ماجرحني غير فرقا عذبة المنطوق=جعل من لامني فيها تنوح امه على خاله
غفال ٍ حالف ٍ وبالها ماتتدرج بالسوق=محرمة ٍ على البدة شريطية ووباله
الا من عرضت قالوا يالبا العاتق المنتوق=وقام يلوح الرجال بشماغه وبعقاله
ذكرها لي صبي ٍ هيلعي وجيتها من فوق=احد ماتاصل حباله واحد نقصر له حباله
تبارينا وجرينا من لحون الهوى طاروق=على المكشوف مايحتاج نقاضة وفتاله
اقول الوقت مايرحم وتكفى لا يجيني عوق=من الهجران قال الهجر فال الله ولا فاله
سلينا مادرينا والليالي طاقها مطبوق=ترد الرجل من ممساه ويعنيه مقياله
توميبه هبوب الريح كنه ريشة الغرنوق=لو انه من رجال ٍ تنثني لا كبرت القاله
لكن البعد جرح كبود والفرقا محش عروق=وانا في ذمتي مانيب لا سالي ولا داله
[/poem]




رد سعدي

[poem=font="Simplified Arabic,5,black,bold,italic" bkcolor="white" bkimage="" border="outset,4,gray" type=2 line=0 align=center use=ex num="0,black""]


غمام الشعر اله في داخلي رعاد واله بروق=وسيله لوتوطا الشامخ المزموم يشتاله
ورذاريذه تنعنش خاطر اللي خافقه مرهوق=وتلاعب مرهف الاحساس لين يجر مواله
بعد ماجتني رساله من العجمي رفيع الذوق=اهليبه ومرسوله وارحبه ومرساله
حفيد ابن الهواوي من بني شامر بعيد عموق= وابوه اللي مرخص للوفا روحه قبل ماله
رفيق" له بقلبي منزل" ماينزله مخلوق = سواه الصاحب الوافي حليف النيف وجزاله
وعلى ناصر وصلني شرهة اللي شاربه محلوق= من اسبابه علامه ماحفظ قدره ومكياله
عزيز" منزله بين النشاما دايم" مرموق= وناصر غير هذي يمكن انه يفرد اطواله
شكالي من هوى راع القوام الناعم الممشوق=غزالن يتعب العاشق ويشغل عقله وباله
كلامه حالي" يشبه فواق متيهات النوق =ونوض البرق في خده وكيف الراس فنجاله
هواه اوما بناصرلين خلى خافقه مفتوق =هوى" ليت الرفيق امرح ولاحزن على اطلاله
وانا واعي ولي مبدا ونظره واحكم الطاروق=ولاارضى الناقصه والغي مااحبه والا اسعاله
اغيظ الجدي والجوزا وانا في نايفن شاهوق=ولا اجامل واجازي كل مخلوق" على اعماله
مراح مقيط يالعاشق مراح مقيط يالمعشوق=انا مانيب مصلح في دروب ابليس وعياله
[/poem]