مغير اسلم من بعيدن على طوبه

مرثيه في والدي رحمه الله تعالي وجميع اموات المسلمين

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالورق ياللي على الغرس المحاميلي = الغرس راعيه كان تعرف ماجوبه
كف الغنى لاتجروع بالمواويلي = القلب مكلوم والوجدان مصيوبه
فقدت لي شايبن بيطولّ الطيلي = وانا اتخيّل كلامه نوبه ونوبه
لاّكبر وتابع التكبير تهليلي = واستغفر وقال يالله تقبل التوبه
كم ليلتن رتل القران ترتيلي = مع هجعة الناس جافا نومه جنوبه
يرفع كفوف الرجا في تالي الليلي = يرجي رضا خالقه مقلقته ذنوبه
لاسامر الليل راع القال والقيلي = يسمر مع الله على شفه ومطلوبه
ماهوب نمام والا راعي نقيلي = والا ليا اقفى جليسه حش عرقوبه
يشهد عليه القمر والجدي وسهيلي = ومحرابه اللي بناه بمروه وطوبه
ويشهد على فعله اكرام المشاكيلي = ماعذربوه التقى والدين عذروبه
ريف اليتاما على قُل المحاصيلي = يقسم لهم لقمته يكسيهم بثوبه
وبنا المساجد على تقوى وتبجيلي = لعلها مزبنه فالحشر وكروبه
ولعل قبره جنان ورود اكاليلي = ويسقيه ربي بمزنن تبرق نصوبه
ويظله الله بعرشه خير تظليلي = في يومن انفاس الانفس فيه محسوبه
من عاد عقبه بتال الليل يدعيلي = ويقول يالله يربي سمح دروبه
عزالله اني فقدت اغلى مناهيلي = لكن الاجال محسوبه و مكتوبه
والديره اللي عساها ماطر السيلي = اللي منول ربيع القلب وعشوبه
اللي لها منول اقدامي مقابيلي = لابطيت لاكن عروق القلب مجذوبه
كل اخر اسبوع اجيها شايلن حيلي = ماحسب لشمس الهجير وحر لاهوبه
اليوم ماعاد لي فيها مداهيلي =و ان جيتها ضيف نهج الضيف واسلوبه
طرقي عجل قبل لايمسيني الليلي= تقول مستاحش من الليل وغروبه
من عقب بيتن مزارن للحلاحيلي = له مجلسن يكرم الضيفان لاجوبه
اليوم امره ولاتهزع له ارجيلي = مغير اسلم من بعيدن على طوبه
فالديره اللي لها خفت مواصيلي = ماكنها اللي في وقتن فات مرغوبه
سلام يا ديرة اهل البن والهيلي = يادار ربعي ياعزوة كل مهيوبه
ياهل السيوف الرهاف وياهل الخيلي = يوم الطراد بسلايل كل منجوبه
لاابطيت ماجيت والا اقفت مراسيلي = والا تشاغلت في وقتي وفتعوبه
ماعاد لي شفن اطو الكيل والميلي = من يوم غاب اللي اتعب لجل ماجوبه

[/poem]