هواجيـــس شـــــاعر

مساء الخير

مشاركه من هواجيسي لكم اتمنى وصولها لربع الذائقه


[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الوقت ذا طبعه من ازمان وسنين=وكلن على ليلاه جاب القضيّه
ياغايتي بتجين لاقلت بتجين=لو كان من دونش كبير السريّه
لابد ماياتي نصيب المصلين=واقدع قدوعي واشرب الشاذليّه
كذا تعلمنا عزوم الشديدين=اهل العزوم الصارمات القويّه
لكن حب الكف واطلب بكفين=الله يزينها صباح وعشيّه
و ربك يزينها يارجال وتزين=لا صار حظك انحدر في وطيّه
لو دامت لشخصك على الزين والشين=ماصار فالدنيا محاسن وسيّه
والضعف خله ما اقتدابه حمر عين=يبطي ولا يرفع مكانة خويّه
لابد ماتزهر وتصبح بساتين=ماهيب دايم ذالصحاري خليّه
ولامن غدى لجموع ربعك معادين=ابكيك صدق ان ماخذتك الحميّه
اما تجي بارز فوسط الميادين=والا تمدد وابدع السامريّه
وبعض الرجال ارجال دنيا مع دين=ياحي حيه صدق لاقلت حيّه
ان جاك تطربله وطلْق الحجاجين=وعوق الرجال ايعيب دارك مجيّه
ولاتشتكي ذالدْين والدْين والدْين=والدْين لولا الدْين رحنا ضحيّه
ماكان نضربها على العرض عرضين=ولاكان شفنا ذالحياة الشليّه
ايام عشها كالرجال المسمين=وايام كيه واتبدل بكيّه
عشها ترى تالي ذالايام يومين=يوم الممات ويوم بعث البريّه[/poem]

وسلامتكم

ربك يزينها من اليوم وخــلاف