ياقلب لاتحزن

السلام عليكم ورحمة الله وبركاته
قصيدة اتمنى ان ترتقي لذوقكم وتشفع عن الغياب الخارج عن إرادتي :




ياقلب لاتحزن ترى الكون ماضاق
ويانفس عن بعض الرياجيل عفي

صبرت مير الصبر ماعاد ينطاق
والرجل مايطرد سرابٍ مقفي

من همي اللي كاتمه وسط الاعماق
لوقلت أطفي النار وشلون أطفي

والقلب من ببين المعاليق خفاق
طيرٍ يطير وله جناحٍ يرفي

أسهر يالين الشمس تبدي بالأشراق
وامسح دموع العين بطراف كفي

وأنا اعرف ان المر ماهوب ينذاق
ولحافنا فأيامنا مايدفي

إلي مع الطيب معزه وميثاق
وخوة رجال الطيب قصدي وشفي

الصاحب اللي للمواثيق ماباق
لاغاب صرت عن الحياة متوفي

وان جا نهارٍ فيه يبسات الارياق
اشهر ولاني فاللزوم متخفي

النفس بأهل الطيب تزها وتشتاق
وكلمة نعم في حقهم ماتكفي

ولاَ الردي لو كان ضاقن الآفاق
مانيب في صفه ولاهو بصفي

عسى ضعيفٍ فالمهمات دراق
عليه ذعذاع الهوى مايهفي

لو كان واقف دون بيبان الارزاق
اكنسل التقديم واسحب ملفي