هرج النمايم

خاطره متواضعه
اسأل الله ان تنال أعجابكم

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياهاجس ٍ بالفكر يقرع قريعه = وأزريت ل أهرج به ولاني بناسيه
يدور واشري به بفكري وابيعه=والقلب كنه يحترك من محانيه
ونفسي عن الهزلات دايم رفيعه=وأتبع سمين الهرج وأترك دواديه
وأذني ترى للهرج ماهي سميعه=وليا سمعت العلم ما ودي أبديه
وصبرت لين الصبر وايقة ريعه=ولافيه صبرٍتالي الريع أعديه
يابوطلال اليوم شفت الهزيعه= مر الزمان اللي تقافت حلاويه
وكبدي من هروج القريب وجيعه=وأظنك أنته كل ما أوحيت موحيه
لولاي أخاف الله ولا أبغى القطيعه=يبعض خلق الله ما أمره ولا أجيه
لكن تحداني عليه الشريعه=وأطيع لأمر الله وأجنب نواهيه
ناسٍ على الغرات دايم سريعه=تجمع عذاريب المقفي وتكويه
دايم تظاهر بالصدور الوسيعه=والحقد فيها طول الايام تخفيه
اللي تشب من الفتن بالوليعه=بالكذب تفرق بين غالي وغاليه
تضحك وتخفي بالقلوب الخديعه=والمؤمن الغافل تضره وتوذيه
وهرج النمايم كل صبحٍ تذيعه=ومامنهم اللي كلمة الحق ترضيه
الأول اللي من خباث الطبيعه=نجسٍ وبانت بالنجاسه مواريه
كان يتدرى بالحصون المنيعه= واليوم فينا قام ينفخ علابيه
لو أني اأتبع راي قلبي وأطيعه= ل أقومه من مجلسي لا جلس فيه
والثاني اللي بالعٍ له بليعه=والفرض لامنه وجب ما يصليه
والثالث اللي ما يحفظ الوديعه=وأرياه يامضحي عن الرشد تغويه
والكل منهم ضايعٍ في مضيعه=معاد باقي غير بأسمه نسميه
لو كان حنا محسنين الصنيعه=وحق الرفيق وواجبه مانخليه
بعض الاوادم شر مابه نفيعه= يشمتك لو انك من المال تعطيه
وهذي جروحٍ يابن سلمي شنيعه=أشكي عليك من الزمان وبلاويه
أفزع برايك كان عندك فزيعه=وترى سديد الراي ماني بعاصيه
وصلاة ربي عد ما أخضر ربيعه=على محمد كل ما حل طاريه[/POEM]

وسلامتكم