ان هزمت ابليس نوماس وشرف وعباده

اخواني واخواتي اعضاء وزوار

منتدى المرقاب

اسعد الله جميع اوقاتكم

يسعدني ان اعرض على انظاركم ومشاعركم هذه

الابيات المتواضعه

والتي ارجو ان تنال ولو بعض رضاكم


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياضيوف الشاطي الشرقي وياروّاده= التحيّه من يوصلها شواطي جدّه
ديرة القلب المتيّم والجبر والساده= والغزال اللي على مسكانها الله حدّه
الغزال اللي خذا من خافقي ماراده= سلوته وملاطف اصحابه وقوّة سده
اخذ منّي مااشتهى وانا سنه وزياده= اتبعه ماقلت له هاته وهو ماردّه
ضحكته ياخذ بها خرج جملي وشداده= وانزعاجة خاطره ضيقه وساعة شدّه
والنوايا بيض والميعاد حسب العاده= والشرف جدرٍ عمره الله وانا ماهدّه
والسلام امع الكلام الزاد والزوّاده= للعروق اللي لها من يوم يبست مدّه
والبحر لاضاق بامواجه وساق براده= واعجبه همس الغرام وقام يقرب مدّه
عيدت نفسي واناستها اقبلت منقاده=عقب كنت اشدّها صوبي وهي مشتدّه
عيد... لو انه عصر عساي من عوّاده=مع غزالٍ ماطبع في قلبي اللا ودّه
مايبين اللا بليس بعدّته وعتاده= يعتزي ويحدّني وانا اعتزي واحتدّه
ان هزمت ابليس نوماس وشرف وعباده=ون هزمني حاشدٍ له هجمةٍ مرتدّه
اعرف ان ابليس حرص وياخذ استعداده= من قلوب العشق يبغى مكسبٍ يعتدّه
والهوى بارود وبليس الرجيم زناده= بس حنّا لاقرب منّا لعنّا جدّه[/POEM]

وسلامتكم جميع

محمد الدهيمي