النمور الجريحة !!

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


الهموم اللّي بقلبي لها وقعٍ خطير = شاب منها راسي الممتلي عزّ وسطر
كل يوم اتزيد لين اصبحت جمعٍ غفير = في زمانٍ فيه كثروا جهاهيل البشر
الخبول اللي جذبهم طرف سلك الحرير = والتغّزل في القمر لكتمل خمسة عشر
بالوهم عاشوا وبه واقع الآمّة مرير = يحسبون الموت ماجاب للصّاحي خبر
ما دروا بان العوافي مثل طيرٍ يطير = لو يوقّع فوق شجرة مسا طار الفجر
ولا دروا بانّ الشّدايد عبوسٍ قمطرير =والكثير امن الحرايق بدايتها شرر
والبنادم لو يعمّر ترا عمره قصير = النّهاية حاصلة للغريب و للسّفر
العمر فاني وما فيه للدّنيا عشير = الحظيظ اللّي خذا من مصايبها العبر
ما تغرّ ابصفوها لا صفت غير الغرير = ما تغرّ اللّي من ادروسها شاب وكبر
اللّعوب اللّي رحاها تلفّ وتستدير = ماهي بمكسب ولا راس مالٍ معتبر
كود من زاده صلاة وصيام وفعل خير = تنفعه ساعة يحسّب ذنوبه فالقبر
ما خذاها لهو واحساب بنّك ودقّ زير = عارفٍ مقدارها زين والدّنيا عبر
كلّ حيٍّ له نهاية وله يوم ومصير = البقا لله ما نيب قايلّك تدر
واجه امواج البحر واقطع الدّرب العسير = خل ذود اعزومك الصاملة يرعا الخطر
وان لقيت الموت واقف لك بسيفٍ شطير = لا تراجع للورا وانت في رحلة عمر
اقدم اقدام النمّور الجريحة يالسّفير = مت وراسك فوق ويعيش لك صيت وفخر
فنيوا الشّجعان قبلي وقبلك يا سمير = حمزة وخالد وجعفر وعثمان وعمر
بس ماتوا موتة ابطال معناها كبير = سيرةٍ ماهيب والله مثل باق السير
قلتها والشكّ زايل وسرّك جوف بير = يا رفيق لك مكانة ولك شان وقدر
شاعرٍ تغرف بيوتك من البحر الغزيز = تفتل وتنقض على قولهم : ( شاعر بحر )
صحّ ما انته بالفرزدق ولا الشّاعر جرير = بس تملك حسّ صادق و تملك لك فكر
يازن اجبال عظيمة ورا السّيل الكبير = يوم بعض الشعر ما من وراه الا الوزر
ويوم اغنّي والله انّي على الجزلة قدير = ويش ابا بالشعر ما دام ما انحت في صخر
لو هجوسي جالها عام ماهي بالف خير = تبطي ان غابت واذا جت تجيب المختصر
والجديد اللّي حداها على الرّجعة مثير = ثوّر اعصابي وانا ديني ودين القشر
والله انّي ما احترم شخص ما عنده ضمير = يبتسم فالوجه وان رحت يطعن فالظهر
ماهوب ابراعي رسالة ولا يسمع نذير = ما يروم النّايفة ضبع رابض في جحر
قاطع اربع راعي النمّ والهرج الكثير = بالحكي ما طال ( قاصر ) ولا الطاّيل قصر
وش نبا في رفقةٍ ساسها شرٍّ شرير = مصلحة : والمصلحة طبع عبّاد البقر
ما نبا الا رفقة الطيب والنّور المنير = ما هي برفقة سرابيت وانفاق وغدر
نافحين الكير يصلح لهم نفّاخ كير = وحاملين المسك يصلح لهم شاري عطر[/poem]

عطيب المضاريب

هزاع الشيباني..

للقراءه هنا لون الشمس...

وللحرف عدسه تصويريه...قادره على اجتذاب الضوء...

الهموم اللّـي بقلبـي لهـا وقـعٍ خطيـر
شاب منها راسي الممتلـي عـزّ وسطـر
كل يوم اتزيد لين اصبحت جمـعٍ غفيـر
في زمانٍ فيـه كثـروا جهاهيـل البشـر
الخبول اللي جذبهم طرف سلك الحريـر
والتغّزل في القمر لكتمـل خمسـة عشـر
بالوهم عاشوا وبه واقـع الآمّـة مريـر
يحسبون الموت ماجـاب للصّاحـي خبـر

الله علييييك..

حرفك..ضج في زوايا الفكر...

فمثلك يعلم ياقدير...

ان التلاعب بالالفاظ...التي تلامس المشاعر..سهل جداً..

ولكن تحريك العقول...يحتاج لعقول فوق العاده..

اللّعوب اللّي رحاهـا تلـفّ وتستديـر
ماهـي بمكسـب ولا راس مـالٍ معتبـر
كود من زاده صلاة وصيام وفعـل خيـر
تنفعـه ساعـة يحسّـب ذنوبـه فالقبـر

الله عليك..

شاعر يهدينا..شيئاً باهراً..

لانه يمتلك اصابع في ذمة كل منها..ثمانيةً وعشرون...سحراً..

حقاً والله ياهزااع..نبضك هنا حياه..

تمتلك جمال الاسلوب...والحكمه..والاصاله..

والاجمل سلاستها..وصدقها المختلف

دمت في سمووووو..

الشمالية

هزاع
هنا ابداع
صح السانك ملياااااااااار

صح لسانك يابن مشيب

ابيات جزله من شاعر جزل

وفقك الله

اللّعوب اللّي رحاهـا تلـفّ وتستديـر

ماهي بمكسـب ولا راس مـالٍ معتبـر

كود من زاده صلاة وصيام وفعـل خيـر

تنفعـه ساعـة يحسّـب ذنوبـه فالقبـر

ما خذاها لهو واحساب بنّـك ودقّ زيـر

عـارفٍ مقدارهـا زيـن والدّنيـا عبـر

صح لسانك ياعناد الشيباني

نص جميل ومعاني جزله من شاعر جزل

مبدع مبدع

لاهنت

.


هزاع اوقفتني هنا كثيرا دم كما ان تريد وصح إلسانك ولا هنت
تحيتي وإحترامي



.