الحب القديم ..!

بسم الله الرحمن الرحيم
السلام عليكم ورحمة الله وبركاته

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياللي تعاتبني على الحب القديم=عتبك ذا هالحين وش ماهيــّته ؟!
قال المثل .. في مامضى .. قولٍ حكيم := " ماانت بوكيل آدم على ذريــّته "
اسكت .. ترا العاشق عذابه مستديم=وادنات ماأثر على نفسيــّته
تحسبه سالي .. مادريت انه سقيم=راعي الهوى .. معروف من شخصيــّته
واضح .. اذا شفته دريت انه يهيم=معروف بين الناس من ماريــّته
تلقاه ساكت .. منطوي .. كنه يتيم=اليا بغى يسلا .. تذكر ميــّته
وتلقاه بالي .. كنه مسوي رجيم=حاله نحيل .. وفاقدٍ عافيــّته
وتلقاه صابر .. لو عذابه مستقيم=سجين مايسعى ورا حريــّته
وتلقاه سارح بين سين وبين جيم=وتميـّزه بين البشر .. عفويــّته
دايم بحاله .. لايضام ولايضيم=ينوي .. لكن العشق يفضح نيــّته
يالايمي .. صدقت بالله العظيم !=إن قلبي الميّـت .. انا ادفع ديــّته
عن واحدٍ شمسه حجبها زيف غيم=ومن حينها .. وانا اتحرا جيــّته
آقف على الاطلال .. والآحي النسيم=واسوق رجلي في ثرا مطيــّته
ويردني خوفي من هروج الغشيم=اللي ماتعرَف حسنته من سيــّته
ماودي احراجه .. وهو قدره حشيم=واخاف من وقتٍ تدور رحيـّـته
لاياخذه مني .. ويتركني بجحيم=وابطي .. وتبطي في المحاني كيــّته
قد قيل : " مارد الكريم الا اللئيم "=وقتي كريم .. وقابلٍ عطيــّته
عطاني احزانه .. وجرح ٍ في الصميم=طوى علي الياس واحكم طيــّته
واحرمني البسمة .. وخلا الدمع ديم=وعرضني لشمسه .. وحرمني فيــّته
يالايمي .. هالحين من فينا الغشيم=اللي ماتعرَف حسنته من سيـّته
اسكت .. ترا العاشق عذابه مستديم=وادنات ماأثر على نفسيــّته[/POEM]