الـبـحـر !!

السلام عليكم ورحمة الله وبركاته
صباح الخير
رواد المرقاب أعضاء وزوار متذوقين شعر من الدرجه الأولى
لذلك أتمنى أن جديدتي المتواضعه تجوز لكم وتشفع لغيابي عنكم بالفتره الماضيه


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]يا الله يارحمن يا أرحم رحيم = ياخالق إمن القاع طين يدوس قاع
يارفعٍ من أبخرة ( ما ) البحر غيم = يكب ماه فما تشاء إمن البقاع
يارب نفسي نار .. وهجوسي هشيم = وذنوبي إمن أخطائي الواجد شباع
إغفر ذنوبي .. يارحيم .. وياعظيم = ويا حليم .. ويا حكيم .. ويامطاع
انا بلا عفوك أخاف إمن النسيم = وبعفوك .. أمسي وأصبح بقلبٍ شجاع
إلى ذكرت إن عفوك يديم النعيم = وبالآخره يدخلني جنانٍ وساع
ياليت فكري ما يضيق وما يهيم = إلى بنيت أمل ودورته وضاع
عز الله إن حظي من الفرحه عقيم = وآمالي أبلغ من تبسام الوداع
ياصاحبي .. ما أنت ب ردي لكن غشيم = في معرفة سبع دبلت كبده ضباع
ياصاحبي .. ركّز معي خلك فهيم = سلمني آآذانيك قدر المستطاع
حولك ثياب رجال داخلها حريم = طموحهم سفرات .. وفلوس .. و ( ج ... )
مافيهم اللي تحزنه دمعة يتيم = وحزن شايب لا عيال ولا متاع
صدوقهم كذّاب .. وأنبلهم لئيم = وأجمدهم إلى شافني مبسوط .. ماع
شحّاذة الأعجاب .. مغوين النديم = مجموعةٍ متوالفه من الرعاع
ياصاحبي .. ماأنت ب على نفسي عليم = ريّح ملايكتك .. وكذِّب ما يشاع
إعرف تراني سين ماله أي جيم = حتى أنا أجهل أنا إلى النخاع
ومع إني أجهلني وحظي لي خصيم = وبيني وبين إهتماماتي صراع !!
تفكيري أنقا من هوا روضة خريم = لا قد قياس الما بتربتها .. ذراع
لكنّ صدري ضاق من واقع أليم = أغلب رياجيله ( تحفّاهم ) خداع
ياصاحبي .. ماجيتك أشكي حر ضيم = جيتك رجل ماهو يبيع وما يباع
جيتك حشيم وببتعد وأنا حشيم = لأني ماأحب أهجم .. ولا أحب الدفاع
لكن قبل ما يسدل اللّيل العتيم = ستايره بيني وبينك بإقتناع
نصيحتي لك .. أكرم بشكل قويم = لو التطبّع مايغيّر بالطباع
ترا البخيل اللي يحسب إنه كريم = مثل الجبان اللي يحسب إنه شجاع[/POEM]