يا مدعين ... الدين!!!!

بسم الله الرحمن الرحيم

اهداء بعد طول غياب للمرقاب منتداي الاول اتمنى ان تصل قصيدتي لذائقة الجميع

[poem=font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا مدعين الدين يا نصار الارهاب=بأفعالكم مخطين درب الشريعه
ما بين نذل وبين حاسد وكذاب=وأنتم على الإسلام قومٍ نزيعه
رحتو غديتو كلكم مثل الأحزاب=وخذتو أفكار الخوارج ذريعه
جيتو خفايا بيننا مثل الأغراب=شبه الضباع الخاويات المجيعه
خاب الذي يسعى وراء افكاركم خاب=يا مسممين الفكر غدر وخديعه
من لا تراجع عن طريقه ولا تاب=تضيق به بيد الإله الوسيعه
لازم تضيّع صيدها عوج الأرقاب=مهما حصل لازم تشوف الهزيعه
يا ويل من عرض بنفسه للأنشاب=خبل وقدامه حصونٍ منيعه
يا خيمةٍ بنّيت بلا عمد وطناب=يا سرع طيحتّها عساها القطيعه
وبحماية المعبود ثم عكف الأشناب=أهل السيوف المرهفات البتيعه
جندٍ مع ابن سعود بسنان وحراب=مثل الأسود وخصمها ما تطيعه
حنا ترانا للوطن درع وحجاب=وروسٍ تحاول زعزعتنا صديعه
اخسو خسيتو يا طواغيت يا كلاب=الدين يبرا من جهلكم جميعه
انتم مع الطاغوت وانتم له أذناب=وتبقون اذله ما وصلتوا طليعه
بأفعالكم لوثتو اسماء وأنساب=والذل حقك يالخشوم اللكيعه

[/poem]شعر \ بنت السيوف الرهاف