الحـر يشرى بالدنانـير ويباع

السلام عليـكم ورحمـة الله وبركاته

مساكم الله بالخير

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صار الذهب قصدير والورد نعناع = قاله بديوي فالسـنين القديمة
ياما تشوف العـين من قل الأسناع = شيٍ ماندري حق والا ظلـيمة
شيٍ يخلّـي صاحب الفكر يرتاع = ويخاف ماتصير العواقب سلـيمة
الحر يشرى بالدنانير ويباع = الله يامنّا صار مثل البهيمة
يرضى المهونة فالبشر قاصر الباع = اللي تكون أمه بحكم العقيمة
ومن يترك الشيمة وينظر للأطماع = لا خير فالمليون من غير شيمة
الذيب ما ياكل ذراعه إليا جاع = ومن يطلب العليا يحـوش الغنيمة
الرجل يرفع هامته عن ثرى القاع = ولا يسجد إلا فالصلاة العظيمة
مستسلمٍ لله في كل الأوضاع = يأمل بغفرانه ويرجو نعـيمه
وصلاة ربي عد ما هب ذعذاع = على الرسول اللي رضع من حليمة[/poem]
وسلامتكم