فضفضــة زاحــف

سـلام عليكم ورحمة الله وبركـاته ..

كيـبورديه للمواهـب .. ومصافحه مبطين ما مدينا يدينا فيـها .. لعل وعسى تجوز لكم

يا محمّلنـي حمـل مـا أطيـق حملـه

.......راعنـي فالحـب ثـم قـدّر شعـوري

التواصـل بيننـا مفقـود كـم لــه

.......لا تحط العيـب فـي قلّـة حضـوري

لا لفاك الخـط يـا المحبـوب قـم لـه

.......وإقر حتى ما كتـب بيـن السطـوري

الفـراغ العاطفـي فـي يـدك وإملـه

.......وما كتبته فيـه مـن داعـي سـروري

المشاعـر معـك مخـمـوره وثمـلـه

.......لا تخلّـي وعـد لمّـك لـي يـبـوري

كل ما هب الهوى منـك أبتسـم لـه

.......هيـه لا هبّـت ريـاح الحـب زوري

زوري الـي ينتظـرك ولا انقسـم لـه

.......غير بعد وشـوق ( والدنيـا تـدوري )

اكتبـي فـي صفحـة الخفـاق جملـه

.......وإمسحي الماضي وقولي أخطيت (سوري)

الهـوى والتتـن وجهيـنـن لعمـلـه

.......كلّهـم سـم وتعاطيهـم ضــروري

وسلامتكم ..