منهاج الاجداد

قصيده من الارشيف للتواصل والاعتذار عن الغياب لمن افتقدني
[poem=font="Simplified Arabic,5,chocolate,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يالله يالي تكتب الشر والخير=تكتب لنا مافيه خير(ن) وخيره
بسنينا ذي والسنين المناحير = وتجعل لنا بين العرب حسن سيره
نمشي على منهاج الاجداد ونسير = مانختلف عنهم بعزم وبصير
اجدادنا الي يحتمون المضاهير= يثنون وقت الضيق خلف الكسيره
هذا كلام الصدق مافيه تزوير= الزور ماينهض حظوظ(ن) عثيره
والا زمان اليوم جاء فيه تغيير = وعجزت اميز وارده من صديره
ماعاد للطيب معزه وتقدبر = ولا اعرف وش الاسباب في كل ديره
اصبحت من جور الزمن كني الطير= ياسرع ميقاعه ومسرع مطيره
من وقتي الي صار عبره وتعزير = ماكل يوم الا يجيني نذيره
وجربت فالدنيا وانا توي صغير= وصافقت غبات البحور الغزيره
وانا اعرف الدنيا حظوظ ومقادير= لابد كل انسان يلقى مصير
واخذت في دنياي ادير التفاكير= حتى عرفت الاوله والاخيره
وضخرت قاف من التجاريب تصخير= ماهوب لا سرقه ولا مستعيره
وعبرت عن مايشحن الصدر تعبير= وكل(ن) على فكره يصير تعبيره
الطييب من حظ الرجال المناعير = والا الردي مافاد كبر الشعيره
الاش مايسقيك من جمه البير = دايم عن الجمه حباله قصيره
واهل والكرم لو الليالي معاسير= على كرمهم والليالي يسيره
والا البخيل يجود والوقت تيسير= ويشح جوده فالليال العسيره
ماينفع الرجال كثر المعاذير= لابد من يوم(ن)يبيح السريره
وعليك بالطيب ترى يشار ويشير= والا الردي لو شاب لاتستشيره
ولولا الكبر ماصار دور البواكير = والا هي الدنيا رحى مستدره
وختامها يارب حسن التدابير = ياواحد(ن)كل الملا تستجيره[/poem]