معاشر الغانمين

[align=center]
اخواني
اسعد الله جميع اوقاتكم بكل خير
اليكم هذه المتواضعه
عسى ان تنال شي من استحسانكم[/align]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يومني احاول اكسب كل رجلن شجيع=ودني الطيب انه دايم اليه خوي
معاشر الطيبين اهل المقام الرفيع=هو شف بالي وغاية مطلبي ومنوي
انا اشتري صحبة الطيب لو انه يبيع=مقصودي الطبع لامن من ولاذوي
والطيب ماهو بمحكورن لحد يامنيع=من حصله فاز لو انه وليد اخلوي
وهبه من الخالق الحي البصير السميع=عسى لنا من ولي العرش حضن قوي
من عاش في هالزمان اللي بهوله يريع=ايشوف مايشيب اللي فالمهاد اغذوي
وقتن تطوع به اللي مستحيلن يطيع=ذلة له ارقاب وكبودن كواها كوي
عشنا وشفنا ومن يمشي فالافق الوسيع=يشوف مايذهل السامع لو انه روي
سبحان من حط فالادم نزيه ووضيع=وايضا الصفاتين في مخلوق ماتستوي
احدن تحسن منه الجود ينبع نبيع=واحدن وسط دوب حاله واحد عاجز ثوي
وميزت وليا فالانفس مثل زهر الربيع=ماهي بمثل النبات اللي معا تحتوي
ولا سوات الذهب صافي ويلمع لميع=لوقلدوبه وصوفه محد فيه يغوي
والطيب فعله بطيب بذرتن ماتضيع=اجبلتن خالده وهوه عليها ربوي
ولا الردي مثل صبخن ماوراها نفيع=لا زاد فيها ولا رين لمن يرتوي
وختامه الله يوفق للصواب الجميع=ويعز الاسلام ونجوم الضلال تهوي[/poem]