(( الحصان المسمـّى ))

السلام عليكم ورحمة الله وبركاته...

في البدايه مساكم الله بالخير جميعا وتحياتي للجميع بدون استثناء وعسى الله يطول في عمارنا وعماركم على عز وعلى طاعه... والعذر من الجميع للانقطاع الطويل ولكن ..... !!

الشيخ فيصل المالك سفير دولة الكويت في الاردن رجل له مواقفه الطيبه مع الجميع هنا وهناك وهو يستحق المدح والتقدير...!


صلو على النبي,,,,,,,,,



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يقول يامحمد الشاعر..وش أحوالك=واقول الأحوال رب الكون.. كافلها

ويقول والشّعر ياما قلته وقالك=واليوم نفسك عن الأشعار..عازلها

قلت الله يسلّمك.. ويطيّب أعمالك= لكن..بعض السوالف لا تكمّلها

ماعاد وضع الشّعر باللي على بالك= صارت كديش العرب تسبق أصايلها

ماتدري أن القصايد دربها سالك= وإن القصيده حليلة من تحلـّلها

شهّد ولد عمك وشهّد ولد خالك= وتصير من خيرة الشعار واجزلها

واجمع لك اشخاص لو كانو من اعيالك= تكتب قصايدك للعالم وترسلها

يعني..وصولك يكون بكثرة ارسالك= لو القصايد تبي منهو يعدّلها

هذي الحقيقه وسجّـلها بجوالك= يرضون عقــّالها ويضيق جاهلها

وأبشر..مادامك عنيت وطال موّالك= جزل المعاني مانيب اللي يهمّلها

أمدح إرجال الظفر في الموقف الحالك=ولاأمدح إلا اعز القوم وانبلها

مثل الحصان المسمىّ فيصل المالك=قرم ٍ يجز المشاكل مايطوّلها

يافيصل أبمدحك لن الظفر فالك=ولنك تعز المناصب يوم تقبلها

ولن الوفا مرتعك والجود مدهالك= وشخصيــّتك بالمزايا الله جابلها

وأنا جذبني لمدحك طيّب افعالك= ولا يشتهر بالجماله كود فاعلها

والجزله تلوق لك يافيصل الحالك= دام المراجل معك ربي مكمّلها

لاشان وجه الزمن والوضع متهالك=ولاعاد تلقى المشاكل من يذلــّـلها

تقوم بك فزعتك وتطوّح أعقالك=وتفكّـك المعضله لاطال طايلها

ياشيخ جعل الله يكثّر من أمثالك= أنت المراجل بحرها وانت ساحلها

وبقول كلمه وانا ماقلتها.. إلا لك= والكلمه أن قلتها..فانا أتحمّـلها

شيخ ٍ ماهو مثل شـِـيخة فيصل المالك= يخلي المَـشيـَخه للي يجمــّلها



[/poem]
سوالم......