(الربيع العربي)

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] الآ يا الله ياللي في سماك ترفرف الاعلام = بكلمت لا إلآه الا انت توحيد الالويه
تعزالمملكه مهدالرساله مهبط الاسلام = وتديم الامن والايمان فربوع السعوديه
على الواقع من الشرع الحكيم اتطبق الاحكام = من القرآن والسنه ماهي بحكام عرفيه
لايمكن من قضاها يظلم المسلم ولاينظام = شريعتها من التنزيل والاحكام شرعيه
ملك ولامواطن كلهم لاجل الوطن خدام = وقادتها لهم من شعبها تقدير وتحيه
ولانا للمليك والانبدل بالنظام نظام = وبلدنا مايجيها السو بامر الله محميه
تأمل كيف ثورات الشعوب تحطم الارقام = بدايتها سليمه وانتهت ماهي بسلميه
مسيرات الشعوب الفوضويه تسقط الحكام = يسمون انفلات الامن فالبلدان حريه
نسميه الربيع العربي والا الفساد العام = ليا طاح الريس وسلموها للحرامه
اليامنه تنحى وانخلع ساقوه للاعدام = ماترضى حكمهم كل الديانات السماويه
نشوف الانظمه كلن وحزبه والشعوب اقسام = بدت من تونس الخضراء ووصلت عند سويه
هروب التونسي يضمن نجاته لوسكن فخيام = سلم لكن ضحية ثورته حسني وكرسيه
ومعمر راح من بعده ضحية فكره الهدام = لانه قال مافيه اتخابات(ن) رياسيه
وعلي صالح رموه بقنبله في داره لاخصام = وسافر للرياض وسلم الصلطات جبريه
وعلى بشار قام الشعب يزحف في بلاد الشام = يبون اسقاط حكمه لعن ابوه ولعن ابوحيه
تحرينا عن اسباب التغير فالنظام العام = ولقينا اسبابه الدستور والاحكام وضعيه
معاد لكرسي الريس حصانه من بعد صدام = بدايات التغير فالحكومات العربيه
كوابيس السياسه ماتجيني غير فالاحلام = عساني ماتحاسب عند الاحلام السياسيه
ياعلمانية المنهج دمقراطية الاقزام = تواجدكم منع عنا القرارات الضروريه
اليا قلنا نبي من حقنا قالتوا حلال ايتام = ولاجا واحد(ن)ن منكم طلع بكياس نقديه
ترى سلب الحقوق المستحقه قمة الاجرام = لا طالت راح نرسل للمدير العام برقيه
ورى سود الوايا تحقنون السم فالاقلام = وتقولون التمسك بالقيم والدين رجعيه
خفافيش الظلام اللي تبث الصوت فالاعلام = توزع حقدها المدفون بخطابات سريه
تغط الحق عنك وتبدي الباطل ولا تلام = قلوب حاقده وتروج افكار(ن)يهوديه
ورجل الدين دايم يتهم بزراعة الالغام = يوقف كل واحد لابس(ن) غتره وطاقيه
يفتش كل رجل ملتزم لو يلبس الاحرام = حقيقه في مطارات الدول ماهي بمخفيه
يويلك من عذاب الله ياللي تتبع الاوهام = وتحط الدين للي يصنع التفجير ماريه[/poem]

(صقرالمعتاد)