حلم مقتول ..!

السلام عليكم ،،


الورده الناعمه في مشتل الساقي
اتهبها النود في صبح وتميّلها


اتميّل أوراقها واتلخبط اوراقي
وتطري علي قصه ايامي من اولها


وش ضاع منّي وعندي وش هو الباقي
باقي معي كلمةٍ ماني بقايلها


طال انتظاري ومل الصبر من ساقي
ومل القلم من قصيدي ما تحملّها


حرماني أبعد مداه وحطّم أشواقي
أمست تحت سطوته من بعد كبّلها*


اتعانده لاتجلّت شمس الاشراقي
على كفوف الأمل ترقى تغازلها


مابين حظٍ تعيس وهقوة الهاقي
مشاعري كلها لمصافحه ولّها


راقي ونازل وعكسه نازل وراقي
وهذيك تستقبل وهذيك ترسلها


وضاق الفضاء والصدر مثله بعد ضاقي
الشمس غابت ونفسي غيّب املها


ياقاتل الحلم بعد المستوى الراقي
حرام الاحلام تخضنها وتقتلها


لاتقول حظّك كذا.. والوقت بوّاقي
اطرح سؤالك على الأيام واسألها


من ذاق من مرّها ؟؟ من للحلا ذاقي
وسجل على صفحة الذكرى دلايلها


واذكر وصالي ليا عنيّت لفراقي
على مواويل طيشك يامموّلها
*

جزاي من بعد حبّيتك من اعماقي
جرحي تعمّق ... وطعناتك محللّها !
*

وسلامتكم ،،

صح لسانك ياجمال منير

قصيده جزله جزله ومعاني فيها لوحة جماليه رائعه

ابمتعتنا بالابيات الجزله

مبدع مبدع

لاهنت

صح لسانك

وعتلى شانك

ياجمال

تحيتي وتقديري

صح قلبك يابو منير


تقديراتي المتوالية

هنا جمال الشعر ...........ياحمال
صح السانك مليار