خــــــــــــوت الــــــعــــــــرجــــــان

بسم الله الرحمن الرحيم
اخواني مشرفين واعضاء منتدى المرقاب هذي قصيده في الاخ والصديق \\مبارك سعودالاعرج الاكلبي واتمنى ان تنال اعجابكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خوت العرجان عندي رصيد وراس مال (=) خوت ٍ تبنى على العز تبقى ساميه
خوت ارجال ٍ تفاخر بها روس الرجال (=) تضرب الامثال فيها لهل الامثاليه
خوت ٍ تستاهل النعم لاهاض المجال (=) ماتحكمها المصالح والاشياء الفاضيه
الوفا والصدق مكسب كريمين السبال (=) من حوى الثنتين هذي ملك عربانيه
من ملك صدق النوايا وصفطان القبال (=) خوته تشرى بغالي وتحسب غاليه
خذ كلام الصدق واعطي على قولي مثال (=) خوت امبارك تقدابها الاجياليه
الصديق الصادق اللي يجود بكل حال (=) وزنته فالعسر واللين دايم وافيه
مكمل اشروط الرجوله ولله الكمال (=) نسل عود ٍ يحتمي لــوله والتاليه
بالشجاعه والكرم طال شي ٍ مايطال (=) شايب ٍ عزمه يهد الجبال العاليه
واحد ٍ ماينظر سعود بالعين الجلال (=) مايميز عاقل الناس والبطاليه
وان تكلمنا عن الجد يتعبنا المقال (=) فعل شارع لو رويناه شاب الراويه
لو كتبنا عن فعوله دخلنا فالخيال (=) يدري الله بالحقيقه والامه داريه
والله انه ماطلع مثل شارع فالعيال (=) كود قله نادره خيرت الفرسانيه
ماطلع مثل العرج بالجنوب وبالشمال (=) راس قوم ٍ هيبته تمن الحدانيه
في ذرى الله ثم ذرى هيبته ترعى الجمال (=) ماتخاف امن الحناشل ولا الهجانيه
يوم خلق الله تناحر بوردات السلال (=) تقصر الاخصام عن هيبة العرجانيه
والسلام اختام قولي نهاية مايقال (=) يحمل التقدير والشكر والعرفانيه[/poem]

وسلامتكم