أبوس راس عنادها

[POEM="font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]راحت من يديني كذا وانا اناظر في يدي=لا قادر اوصل دربها ولا قادر اقوى بعادها
حسيت يوم اف فراقها كن جسدي ما هو جسدي=مثل الشعوب اللي تحس غربة وهي ببلادها
قولولها محتاجها والشوق حاديني حدي=تعبت من كثر السهر البعد نفسي بادها
ضاع جهدي فدوة لها لو منها ضاع جهدي=احط موعد وانتظر يمكن تجي بميعادها
هي بس ترجعلي وانا نذرٍ علي اذبح فدي=واني ماعاد انسى ابد تاريخ عيد ميلادها
ازعلتها وكان السبب تافه مثل وجه الردي=اني نسيت اذكر ابارك للفرح بعيادها
تطور الموقف وانا ماكنت في الموقف هدي=كابرت انا ومثلي بعد هي كابرت بعنادها
الحق معها واعترف والحق ما والله يغدي=والغلطة ماتحسب على اللي لا غلط ماعادها
قولولها يشهد علي الليل والجرح الندي=ساعة عطتني ظهرها والقلب يصرخ نادها
وان كانها عيت تجي وراحت ورى البعد تعدي=الله معاها بس تقول البعد وشهو فادها
واذا سكتت او دنقت او طالعة صوب الجدي=تراه ودها بالرجوع وعنادها ماقادها
خلوها لي وانا اجي احط يدها في يدي=وكان العناد براسها ابوس راس عنادها[/POEM]