مصافحه اولى....فرقا السعادة

السلام عليكم ورحمة الله وبركاته

سعيد بالانضمام لهذا الصرح الشامخ ومرقاب التميز والابداع

مصافحة اولى عسى ان ترتقي لذائقتكم


........................................

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحظ لو يشرى شرينا الحظ لو باغلى ثمن = من شان نلبس حزّة الضيقه من الفرحه ثياب
لكن صلفات الليالي صدْق عله للبدن =من قال بكره تنفرج عوّد من الحسره مصاب
يجاذب الونات لا راحه ولا يغفى جفن = متمكّن (ا)سهاده بعينه كن معميها تراب
الصدر مضمار الجسد والهم خيل بلا رسن = في رحلته يدبك على صدري ذهابه والاياب
ايوه ياجابر على جور الليالي والزمن = يشيّب اللي ما غزاه الشيب في عز الشباب
ما انت الوحيد اللي تمعمع في حياته وامتحن =كلٍ شرب قرطوع من فرقا السعاده والغياب
الادمي جوال فالدنيا وقابل للشحن = من عربدات الوقت يشحن هم لا حد النصاب
لوكان للراحه وطن كلٍ على ترابه سكن = جوها قدم وألا بحر وألا على متن السحاب
لكن هون واحسب حسابك ورد العلم عن = عبدالسلام اللي ترجا فالزمن رجوا وخاب
إن السعاده مالها فالعالم الثالث وطن = وإن الزمن لا من ضحك لا بد يغرز فيك ناب[/poem]