((القروب الغناوي)) صوت وصدى الشاعر مرزوق المقاطي والشاعر سلطان الهاجري

بسم الله الرحمن الرحيم

اسعد الله أوقات الجميع بكل خير

صوت وصدى بين الشاعرين

مرزوق المقاطي

و

سلطان الهاجري


وودت ان تكون هنا


البدايه كانت لمرزوق


[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياخوي كلمني ترى خاطري ضاق = وأنا على مثلك شفوقً شفاوي
مالي على هرج أكثر العالم أخلاق = حكمه من الله مدري أمرً سماوي
الا أنت ياللي يوم جفات الأرياق = تطلع مطاليع العديم النداوي
عادتك في وقت الدرك تثني الساق = شبحك ورى الهقوه وكفك رهاوي
وأنا يابن وسام مغرم ومشتاق = في مدحة الطيب بعيد الهقاوي
وشعري على شرواك يحدا وينساق = ويجي لي اطوع من ذلول اللحاوي
تقديرك أغلا من ثمن دم الأعناق = شف عاد دم أعناقنا وش يساوي
[/poem]




رد الهاجري



[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] حي الله اللي له مقرً وميثاق = في قمة المجد الأصيل متساوي
سبقتني وأنته على الطيب سباق = وأنا ماكلمتك لكن كنت ناوي
أبي المزاج يروق لكن ماراق = أنا جري لكن شعري حياوي
الشعر يامرزوق ماعاد ينذاق = من يوم كلً صار شاعر وراوي
أكتضت الساحه من جلال ودقاق = والشعر صار صياح والا عزاوي
وخليت من أصحاب المعاني والاذواق = وضاقت بشعار الفتن والبلاوي
حبحب سدير يباع في كل الاسواق = بأقل من سعر الشيش فالقهاوي
غليت مبيعات المحابر والأوراق = ورخصت مبيعات السلاح النواوي
يوم أن رقاد الضحى مابعد فاق = والشعر هاك اليوم صعب المناوي
أقابل العملاق بأفكار عملاق = وأطعن وأشيل طعون وأجرح وأداوي
خذنا وخذتوا ماتيسر ومالاق = وأحسن نخلي بشوتنا فالمطاوي
بلاش يامرزوق تفكير وإرهاق = تراك من ضمن القروب الغناوي
[/poem]


صحت السنتهم


وسلامتكم