اغصان شوقي

السلام عليكم


صباح الخير ياخوان

المعذره على قلة المشاركة

وهذي قصيدة عساها تحوز على رضاكم جميع

((اغصان شوقي))

تهز الرياح اغصان شوقي بنصف الليل
وتتصاقط اوراق الغلا ثم الملمها

ليا جيت ابصبر للملقآ يسيل السيل
وتروى بساتيني وتبقى معالمها

غدت واحت احزاني تقدم ثمار الويل
وذوق الثمار اللي لنفسي تسممها

اصوت على عزمي ويصمت ولاله حيل
ونفسي تحسُف يوم خابت عزايمها

بنيت العلاقة والصداقة بنجم اسهيل
وسامر نجوم الليل وشكي وعلمها

عن اجروحً ابوسط الحنايا عساها اتزيل
تجدد ولا تبرى وضيقي يلازمها

اسج القدم والخطوه اللي تعادل ميل
تبُين عذاب الحال والنفس تهزمها

احاول على صبري وهمي يزيد الكيل
وكبدي عليله يوم زادت مياسمها

ليا غمضت عيني يصحيني التهويل
وذكرى طيوف الليل تعلن مراسمها

تحرُك سراياها ولاتقبل التأجيل
وتبدى عملها لين تقضي لوازمها

ونا صرت اسيرُ للقسى في ستار الليل
وصمت الظلام الفرحتي مايكلمها

بعيد المدى كنه موكل علي توكيل
ونا من ضحايا البعد والشوق لايمها

تشب الضلوع ابنارها والدموع اتسيل
وكني على باقي الليالي مقسمها

شرحة الظروف القاسيه والعنى والويل
وشكلت لوحة حزن بالكف راسمها

وقول الغصون اللي ليا جاء الرياح اتميل
عساها تحدى الريح لوهو يئلمها