قبل تودعيني .. !

,
شعور منثور , من خاطر ً مكسور , إسمحوا له بالعبور ..

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ودعيني قبل يقفي بك زمانك = خايف ً ياخذك قبل تودعيني

واتركي لي شي من ريحة حنانك = آتنفسها إذا اسهرني حنيني

وعوديني أفقدك وافقد مكانك = لاجل بكره مايضيق الكون فيني

وعوديني ما اهجر احبابي عشانك = لاجل الاقي في غيابك من يبيني

ونسي اسماعي طعم لثغة لسانك = ودرّجي غيبتك عن نظرات عيني

وهزي بعيني ثباتك واتزانك = كل ما اقدم لك الحب اجرحيني

سوي أية شي يكسر كبر شانك = لو على حساب الغلا بينك وبيني

قلت ماقلته وانا مابغى هوانك = عندي انتي بعد قيمة والديني

و كثر ما تتورد أفراحي وزانك = لاذكرت البعد مدري وش يجيني

لو تمرك لوعتي هزت كيانك = والله اني في خطر مير الحقيني !

وامنيني .. خايف ومحتاج امانك = ناشدك بالله تعالي وامنيني

إمتّعلق فيك وبميلة ليانك = آه ياميلة ليانك في يديني

وشوف نجلا عينك وضحكة ثمانك = اشتريها بعمري وقادم سنيني

والخفوق اللي حفظ حبك وصانك = ادركيه بما يسره وادركيني

و طالبك لاجاء بيقفي بك زمانك = كفنيني قبلها ثم ادفنيني ![/poem]