مقعد الدهينه ...

نص متواضع ... في الفارس المعروف مقعد الدهينه رحمه الله أمير قبيلة المساعيد من النفعه من عتيبه ..







[poem=font=",7,black,normal,normal" bkcolor="white" bkimage="" border="none,4,darkblue" type=2 line=0 align=center use=ex num="0,black""]

يالله يامجري هبوب النســـــانيس = وجــــــلاي نوره لاتخايط عتيمه
عــلام ماتخفي الصدور المقـاويس = محيي الغصون اليابسـات الهشيمه
الشـــعرمغزى والفكروالهـواجيس = تأرد وتروى للعقــــــــــول الفهيمه
وأنا دليـلي مبعـــــــدين المراميس = في عصرنا ولاّ العــــصور القديمه
أشعلت من فكري لشعري فوانيس = القــدح قــدحي والنـــــــــوايا مقيمه
سباح وأسبح في بحـــور ٍ بلاقيس = وأســـمع لشور أهل العقول الحكيمه
أفك باب المغـــــــلقات المحابيس = بالعـــــــدل ترضى ماتـجي بالظليمه
تطيع داعيها وجتني كـــــراديس = بالغـصب ماأغصبها ولاأقبل هزيمه
اللي بناء بيته على سـاس ماسيس = ماله على التاريخ ماضي وســــــيمه
من لايمجد له فعـــــول ونواميس = أمه عســـــــــــــاها في زمنها عقيمه
ومن لايعرب منســـــبه للقرانيس = أجـــــــمال ورده من ظماها محيمه
أسم الدهينه هيبة ٍ تســــبق الكيس = لاجــــــــــاء نهار ملاويات الشكيمه
في ساعة الأرياق تنشف ويبيس = وعنها يتحــــــادى من يذب الخريمه
يبديلها مقعد زبون المعابيس = لاطوحن له لابسات اللثيمه
يضحك حجاجه ماأنكفت به مفاليس = يارد حياض الموت للروح شيمه
وكم شيخ قوم ٍ لحقه رووس فريس = يسبق نذير السيف سطوة جحيمه
من هيبته فرق جموع ٍ مراويس = مخلي ظهور الخيل وشداد ريمه
دوس الخطر دربه وللرجل ماديس = وناب الدهر وحنوك بقعاء وليمه
لاكبرت القاله يفك المغاليس = وكن الفعايل من فعوله يتيمه
عون الضرير اللي عليه المضاريس = دارت وظامه فالليالي غريمه
رأس ٍ تعلاّ الرووس فالوقت ماريس= سيل ٍ قفاه من أحمر الدم ديمه
يشيب من فعله غرير ٍ على الديس = كل الخلايق من وصوفه عديمه
شبه الجزيره ماوفت بالقواميس = وعن فعله التاريخ يصبح نديمه
لو الشجاعه منهج ٍ وله تدريس = كل المناهج مالها أيات قيمه
عن حكمته لو كدس العرف تكديس = همش عقول ٍ في زمنها حليمه
حلم الليالي صحوته للكوابيس = اللي دوافعها تعوّد وخيمه
ومن يستعن بالله ويعوذ أبليس = يرجع لوقته وش مصادر زعيمه ؟
يالله بنو ٍ لاتركز مكاديس = قام يتهادى فالنصوب برزيمه
كن القنابل فالمثاني مقابيس =والنور كفه من دماسه ظليمه
وقام يتداحم مدلهم المداميس = وأرخاء سبوله للمسامع حتيمه
يسكب هميله من عيون النواعيس =و ينحب رعدها ويتكفّى هشيمه
على قبر مقعد تلاحق متاريس = وتنثر مقاديمه ويركد نسيمه
يأخذ تراديده ويأخذ مراويس = وإن بكرالوسمي يعله وسيمه
يقر ماه وروضة القبر مانيس = والغصن ماساق اليباس لصريمه
ماأحصيت فعله بركن دونه العيس = يبعد مداه ولالحقنا عظيمه
قول الحقيقه مرضي(ن) للمجاليس = بلسان عرفي والعوارف حشيمه
والحق واضح مايجي فيه تهجيس = وشيطانها أخرس من سكت له غنيمه
[/poem]



أخوكم الدائم : سعد المسعودي

الحرالأشقر

صح لسأنك سعد المسعودي

والله يرحم أبو غازي رحمة ٍ واسعه .

يستاهل المدح هذا وأكثر

تحياتي لك

الله يرحمه

وصح لسانك

المشاركة الأصلية كتبت بواسطة محمد بن عون

صح لسأنك سعد المسعودي

والله يرحم أبو غازي رحمة ٍ واسعه .

يستاهل المدح هذا وأكثر

تحياتي لك

الغالي : محمد بن عون

صح بدنك ولاهان رأسك


أحترامي

والله لاناطح شوبة البارود....واجوز من تال الحياه

مقعد الدهينه رحمه الله شيخ وفارس صاحب بطولات ويستحق اكثر من قصيده لمواقفه المشرفه وشجاعته.

صح لسانك ياسعد على القصيده الجزله والوافيه.

تحيتي لك

المشاركة الأصلية كتبت بواسطة سلطان العطاوي

الله يرحمه

وصح لسانك

الغالي : سلطان العطاوي

الله يرحم أبوغازي

وصح بدنك


أحترامي

ونعم المادح والممدوح

عز الله انه يستاهل, وشرواه من الغانمين

لاهنت ياسعد, وسلمت ودمت

تحياتىىىىىى لك

المشاركة الأصلية كتبت بواسطة موسم سفر القثامي

والله لاناطح شوبة البارود....واجوز من تال الحياه

مقعد الدهينه رحمه الله شيخ وفارس صاحب بطولات ويستحق اكثر من قصيده لمواقفه المشرفه وشجاعته.

صح لسانك ياسعد على القصيده الجزله والوافيه.

تحيتي لك

القدير : موسم القثامي

لاهنت لطيب المرور

وصح بدنك


أحترامي

الله الله
الله يرحمه ويسكنه فسيح جناته
يستاهل المدح والطيب من تعب له وحصله
وابو غازي يشهد له البعيد قبل القريّب

سعد المسعودي
صح لسانك على هالقصيدة الوافية
دمت بحب
أخيك :

محمد

المشاركة الأصلية كتبت بواسطة عبدالرزاق الذيابي

ونعم المادح والممدوح

عز الله انه يستاهل, وشرواه من الغانمين

لاهنت ياسعد, وسلمت ودمت

تحياتىىىىىى لك

هلابك ياعبدالرزاق الذيابي

وماعليك زود

ومن قال مايهان


أحترامي

المشاركة الأصلية كتبت بواسطة محمد المغيره

الله الله
الله يرحمه ويسكنه فسيح جناته
يستاهل المدح والطيب من تعب له وحصله
وابو غازي يشهد له البعيد قبل القريّب

سعد المسعودي
صح لسانك على هالقصيدة الوافية
دمت بحب
أخيك :

محمد

هلابك ملاايين يابوناصر

الله يرحم أبوغازي وأموات المسلمين

وصح بدنك ولاهان رأسك


أحنرامي