الفرحة الباقية

السلام عليكم ورحمة الله وبركاته

ابيات من ارشيف الغزل القديم للتواصل مع المواهب واهل المواهب


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانسيم الليل هب وضيقتي سامرها = صاحبك صدره يفوح وفك لك بيبانه
شاعر ٍ ما يبدع القيفان ويسطّرها = غير لا ذعذع على فكره هوى وجدانه
راس ماله ذكريات ٍ لا فتح دفترها = مال راسه للدروب اللي خذت خلانه
والمزون اللي يقول القاع وش حيرها= وجاته تحث الخطا عقب البطا ولهانة
تعتذر وتبوح له باللي كنى خاطرها = وحن راعدها وغرّق دمعها خدانه
ما طرالي يوم بارقها سبق ماطرها = غير راعية الثمان الذبّل الفتانة
جادل ٍ ما نيب ناسيها عشان اذكرها = دوم في بالي وقلبي تستحل اركانه
جل رب ٍ بالدلال وبالحلا صوّرها = وبجمال الرح كمّلها تعالى شانه
في هواها الحظ مقفي والفرص يطمرها= وان زهمته والتفت يمي عقد حجانه
يانسيم الليل يمكنّك تمر ديرها = خذ تعابيري على متنك ومعك امانة
عن حوالي بعد فرّقنا القدر خبرها = وعن غلاها اللي بقلبي نافذ ٍ سلطانه
قل لها اللي هام فيك وقيمتك قدّرها = وشافك اغلى واجمل وأطهر وارق انسانة
تسهر عيونه وتكّة صدره يساهرها = لا تذكّر مبسمك وعيونك النعسانة
وقامت همومه تلم افراحه وتقبرها = وانهكت قلبه وزادت في رصيد احزانه
ولا بقا له غير فرحة فالحشا ذاخرها = للقا لن عاش لين يشاهدك باعيانه
[/poem]