كومة ورق جديد بعد مسابقة شاعر الملك

السلام عليكم ورحمة الله وبركاته
كومة ورق هذا ماجادت به القريحه بعد الانقطاع لظروف الكل يعرفها

[poem=font=",6,blue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
كومة ورق من حضها كاتب لها ربي حياه=جاهدت لاجل ابث فيها الروح لين احييتها
شالت معي حمل(ن) يضيق صدري ويكبر غلاه=ماهوب قابل للعبث لو كان ماوصيتها
ولا حسبت الا حساب اه(ن) تجي من بعد اه=وتوالت الاحزان واهات الصدر واليتها
كم من عديم ابداع وابداعه تولد من عناه=وانا معاناتي من ابداعي ولا داويتها
صبيت فاسماع الملا صوتي ويعجبني صداه=فافواه ناس رددوا مشاعري واوحيتها
مثل الندا يحيي عروق الصدق ويسافر نداه=ياصل ديار(ن) غايبه عن ناظري ماجيتها
ميدانها يصعب على السارين وبعيد(ن) مداه=واخترت له وضح(ن) من حساب العمر نقيتها
ابني ورق للساحه اللي ماتشد الانتباه=واثر كلامي في قفا الساحه يعمر بيتها
اخجلت وجه الفقر واشقيته بمدات الغناه=اللي صداها يلفت الانظار لامديتها
والبنت زاهية اللباس اللي ماندري وش وراه=قامت تلد العين يمي كل مامريتها
يوم طلعت قدم العرب تستعرض الجسم وحلاه=تفاخرت ولا اخفت النيه ولا تبييتها
ماهمها لو كان ابوها شيخ له هيبه وجاه=له سيرة(ن) من طيبها بالمدح ماوفيتها
رمت بشيلتها ووجه(ن) كالبدر طشت غطاه=وتكشفت قدام خلق الله ماراعت صيتها
لين ارخصت من قيمة اللي غيرها تحفظ غلاه=وانا برغم افعالها اللي تنكره حبيتها
احاول اعذرها على ارخاص الجسد للي يباه=ولا قدرت امدح تصرفها ولا سبيتها
بديت اغازلها واسايرها على كل اتجاه=واجيبها باسلوبي الجذاب لين اغريتها
ومدت لي الكف المخضب وهمست لي بالشفاه=وبغيت امد لها كفوفي بس مامديتها
ويقوم راع الطيب والنخوه ويلبسها عباه=يستر مفاتن ترفة(ن) يمكن غوت ماغويتها
الفارس اللي لاعتزا ساق الاصايل في هواه=يجيبها واقع وغيره حيلته ياليتها
ان كانه اخطى مقبل الايام يكشف له خطاه=وان كانه اقدى فالحقيقه باسمها سميتها
ويبقى الورق يحمل معي حملي وابين له خفاه=واكسب رضا بعض الوجيه وبعضها مارضيتها
[/poem]

زياد

صح لسانك نص جميل جميل لابعد حد

وانت والله انك كفو

والجايات اكثر اذا ربك اراد

صح السانك
يازياد

محمد بن نجر
صح بدنك واشكرك على المرور

لاهنت وبيض الله وجهك

زياد البقمي

لاهنت على هالجزله

الحقيقه انك ظهرت بالظهور المشرف في مسابقة شاعر الملك

مناحي الفرزه

صح بدنك واشكرك على المرور

محيا السلات
اشكرك على المرور

لاهنت

صح لساااانك استاااذي

جزاله غير مستغربه من اهلها

الله الله الله

صح لسانك وفكرك يازياد

قصيدة رائعه من شاعر رائع

دمت ودام ابداعك

تقبل مروري هنا

تقديري

وعليكم السلام ورحمة الله وبركاته

مرحبا يا زياد وعودا حميدا..

حضورك مشرّف دائما اينما تحل .. صح الله لســآنك..ولاهنت

تحيتي,,,