!! .. قبرك بصدري .. !!

في وفاة

عمّي / عبدالله مسفرآل تواه الهاجري ( عبدان )

نسأل الله له الرحمه والمغفره
,




[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=2 line=1 align=center use=ex num="0,black""]

لو مات جذع اشْجره وشلون يحيا غصن=لابدّهم كلّهم يلقون نفس المصير
والبيت مخطور يسقط .. لو فقد له ركن=حتى ولو كان فيه أركان غيره كثير
ياللي غلاك بغلا جدي وابوي اقترن=من عاد عمرك صغير وعاد عمري صغير
غسلتك بدمع عيني والمشاعر كفن=وقبرك بصدري على قدرك كبير وكبير
وجسدْك بين الضلوع العوج ساع اندفن=هلّت عليه العروق بدم .. دمعٍ غزير
ولا هدا بال من موتك وغمّض جفن =خلاّ الحزن كل خاطر في غيابك كسير
لو كان عمر ابن آدم يندفع له ثمن=كان أنت في ما بقالي من سنيني خشير
عمي يا ( عبدالله ) الله .. امتحنك بمحن=لو حاشت انسان غيرك عاش عمره أسير
لليأس .. والهم مسكن .. والتشاؤم وطن=والضيم أصدق من الظلما بعين الضرير
لكنك أقوى من الآلام مهما قسن=لو مرت شهور مافارق ظَهَرْك السرير
مابين علّة ظروف وبين علّة بدن=سلك الليال السعيده كان طوله قصير
مت .. وعليك العيون كثار منهن بكن=تطلب لك الرحمه وآخرتك تكون خير
يالله وبعفوك تنزّله جنّة عدن=يامالك الملك يالعدل السميع البصير
عبدك ضعيف وعلى عطفك ولطفك زبن=تحميه عن حر نار النار وعن زمهرير
[/poem]