اسراب العصافير !!

[poem=font="ms dialog,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الزيت طلّق بالثلاث وحلف ما يدهن السّير = امّا يسير السّير : ولّى يشارك فالجريمة
تكفي معه وقفاته البيض في : عسر وتياسير = ما ردّها مرّة ولا قاسمه ربع الغنيمة
خلّه عسى سيف القضا يقطعه وايطيح فالبير = و اتسيل في موته دموع الشياطين الرجيمة
الشر مهما طال بالهيمنة : لا ضير لا ضير = يغزيه جيش الخير ويجرّر اذيال الهزيمة
وتقطع سيوف الحق روسٍ على الباطل مشاهير = وافعالهم ترجع مغبّة عواقبها وخيمة
ثم يحكم الميزان بالقسط في كلّ المعايير = و طلّاب ردّ الحق ما يشتكي : ظلم وهضيمة
ويسود حس الامن : وتغرّد اسراب العصافير = و دمع الحزن ما يقدر ايجرّح اخدود اليتيمة
اثره مجرد حلم وردي (حقيقة عالمه غير) = قام ولقى الواقع يحيّي دعاويه القديمة
انقلبت الصورة وحلّ المسا يالله عسى خير = والبوم صاح و روّع اطيور فالشجرة مقيمة
و تخالط الحابل مع النّابل : بسيف و سواطير = والفايز ايبيّن من الضرب في جبهة خصيمه
واختلّ سير الانظمة والسّبايب عاكس السّير = يعكس مساره كمّ مرّة و لا يعطى قسيمة
يضحك وحدّ لسانه ايقطّع اسنون المناشير = واعراض خلق الله كما الخبز : و الغيبه يديمه
ما يحفظ لسانه ولا يبذل المعروف فالغير = يشرب وياكل فالبسيطه واضلّ امن البهيمة
وزن الخفيفة فوق ظهره يسمّى (حملة ابعير) = يبرك لها يرغي ولا قام قال اثري صتيمه
خلّ الحمول الكايدة ما لها غير المناعير = راياتهم بيضا ترفرف على : حشمه وقيمة
عاشوا على الشدّة كرام : ورضوا حكم المقادير = وكفوفهم تنّدى من الطيب : والدنيا عقيمة
اصدورهم دوامةٍ في فضاها يكفخ الطير = و يا ضيقها ضيقاه لا زلّت النّاس الغشيمة
مثل البحر لو يشتكي من غثى كثر البوابير = في لحظة امواجه تلاطم وتغديها هشيمة
ولا يستوي من يحمل المسك : واللّي ينفخ الكير = شتّان يالاثنين والفاهم (ايذبّ الخريمة)
دور البطولة جسّده فالتفاني سالم الزير = وسجلّ بها في صفحة الملحمة سيرة عظيمة[/poem]

سلمان بن مزيبن

.
.
.

سلمان مزيبن ..
مبدع والله .. ورائع لأقصى حد ..
تقبل مروري المتواضع ..
ازكى التحايا ..





عبيد

صح لسانك
نص كايف ومعاني جزله من شاعر جزل

مبدع مبدع
لاهنت

سلمان مزيبن ..
مبدع والله .. ورائع لأقصى حد ..
تقبل مروري المتواضع
ارقى التحايا

المشاركة الأصلية كتبت بواسطة عبيد الغنامي

.
.
.

سلمان مزيبن ..
مبدع والله .. ورائع لأقصى حد ..
تقبل مروري المتواضع ..
ازكى التحايا ..





عبيد

عبيد الغنامي

هلا ومرحبا

منور بتواجدك ومرورك

والله لا يهينك

ودي واحترامي