واعفـّـــاسآه

السلام عليكم ،

وصلتني رسالة جوال من سجين الحريّه / عفاس بن حرباش وانا ما من قلب
وتذكرت مواقفه وصولاته وجولاته ووضعه الحالي وبغيت ابكي واتصل بي نواف نايف ونسيت ابكي

المهم ... مشاركة لإحتواء الازمة التي تفاقمت

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يوم جيت المعتقل بأوّل زياره=الملازم لوّحت لي نجمتينه
قلت يا ضابط خفر عندك خفاره=قال ( عفاس أبشر إنّا ساجنينه )
قلت هاذي كارثه ماهي بشاره=كيف يسجن مسلم ٍ ما أرتدّ دينه
والسبب ؟ قال السبب في كلّ حاره=يكسر القانون فوق مسنّنينه
حرّض أعضاء المنتدى ضد الإداره=لين ثار الزعزعه عقب السكينه
يتصفّح شاشته ويشبّ ناره=وتتبعه شلّة شباب مؤيدينه
كلّ دوريّه رماها بالحجاره=وغازنا عيّا يسيّل دمع عينه
مير بكره نصلبه وسط الخضاره=وندفنه بين الخضاره والدفينه
قلت خلّوا في تعاملكم حضاره=الولد طيّب وحنّا خابرينه
مرشديّ ٍ ممتلي راسه نعاره=وشاعر ٍ موهوب وضلوعه متينه
منتدى المرقاب كلّه بإنتظاره=والجماهير الغفيره فافدينه
وأنت يا ضابط خفر لعّاب طاره=المواطن تخدمه وإلاّ تهينه
طابق اللوحه برقم الإستماره =وأنتبه لا يخدعك صوت المكينه
ما يزيد الضغط غير من الحراره=والقهر ناتج طبيعي للغبينه
وأكثر الضبّاط في قبو الوزاره=يآكلون ويشربون الفخفخينه !
قال عند القايد الأعلى قراره=وناصر تراحيب عانه بالمدينه
قدّم المعروض لبشوت الاماره=و لا تنوش خشوم حراس الخزينه
وأحتزمت بمجندي وأنا أخو ساره=ثم عصبت الراس بشراع السفينه
أطلقوا عفاس من سجن الاداره=قبل لا اخطف صاحب الموقع رهينه !
[/poem]


< معتصم مستقل

مير بكره نصلبه وسـط الخضـاره

وندفنـه بيـن الخضـاره والدفينـه

هههههههههههههههههههههههههههههههههههههههههههههههههه ه

أطلقوا عفـاس مـن سجـن الاداره

قبل لا اخطف صاحب الموقع رهينه !

ههههههههههههههههههههههههههههه

صوره/ مع التحيه لـ. ناصر تراحيب
صوره/ مع التحيه والتحذير لحبيب العازمي


<<<< هروووووووووووب

هههههههههههههههه

عز الله انك محامي بارع

صوره مع التحيه للأداره :

بعد هذه المرافعه لابد من العفو وبدون قيد او شرط

بس يا سداح انت وراك نسيت المتهم الاخر

يبيله مرافعه ثانيه

حب لي خشمك يا محامي المرقاب

مرشـديّ ٍ ممتلـي راسـه نعـاره
وشاعر ٍ موهوب وضلوعـه متينـه

الله الله الله

كفو كفو كفو يآأخوسآره والله ومليووون نعم..

وصح لسآآآنك يآلأميييير..

بس عفآس آسر خالد السيحاني ووشلون تتدآفع عنه

الله يحييك يامطر وارجو منك حشد الهمم وشحذ الذمم للافراج عن المظلوم المهضوم عفاس


هلا يا بو طيف ومسهلا
الثاني توني اعرف انه متعب الشيباني
ولا علمت عن المعتقل عفاس الا برسالة جواله

ومتعب يستاهل والله من يكافح عنه مير انا ادور حبيّب العازمي خلوني اخطفه وبعدين نطالب بمتعب وعفاس

نرجو منكم الدعم المعنوي المستمر ولا نمانع باستقبال الدعم المالي

..

هلا وغلا يا عبدالعزيز الجش
ولا عليك زود لاعدمتك
والله اني ما اعرف وش ضوابط الاسر والاعتقال بين الرجال هنا
لكن مطلبنا واضح ومحدد

اشهد بالله أن عفاس طلع من المعتقل خلاص

مير أرب الوساطه تشمل خويه


مير بكره نصلبه وسـط الخضـاره
وندفنـه بيـن الخضـاره والدفينـه

رسم كروكي واضح , والله أن كني أشوف قبره الحين وينه


سداح , بيض الله وجهك وصح لسانك ياخو ساره .

تحياتي وتقديري

طيب طيب يآسدآح

بنتظآآر نآصر تراحيب ووش يقوول عقب القصيده هذي..

كل الود..

^
^

أن كان ما فكهم الله بفضله ثم بقصيدتك يا الأمير ,
والله ليبطون >>> عدي أتعوتل في رقبة عفاس وأدنّها

سداح ,
يا جعلني ما أذوق حرّك على هذا الوثيقه اللي تفكّ من الأسر الجائر .

محبتي لك ,

المشاركة الأصلية كتبت بواسطة سداح

الله يحييك يامطر وارجو منك حشد الهمم وشحذ الذمم للافراج عن المظلوم المهضوم عفاس


هلا يا بو طيف ومسهلا
الثاني توني اعرف انه متعب الشيباني
ولا علمت عن المعتقل عفاس الا برسالة جواله

ومتعب يستاهل والله من يكافح عنه مير انا ادور حبيّب العازمي خلوني اخطفه وبعدين نطالب بمتعب وعفاس

نرجو منكم الدعم المعنوي المستمر ولا نمانع باستقبال الدعم المالي

..

حبيب ان لقيته اخطفه .. !!

اصدرنا امر الان بحظر التجول في محيط القبيله .. وفرض الصمت السلكي والا سلكي

واستاجرنا مارينز وموساد لحماية القبيله بنظام الاعاره حتى يركد الوضع ويسلم شاعر القبيلة

وابشر بالدعم يا حبيب الكل المعنوي
والمادي وصل لنواف نايف بس عيا يعطيني سند


هاك

الله الله ياسـداح

ابك هالقصيده لو كتبتها دفاع لـ ( اسير فى غوانتانامو )

فكوه من اسررره ..

ياعنك انك صبيت هالقصيده مثل صب الذهب

انا اقووول اذا ماعفى عنه ( ناصر تراحيب ) عقب هالقصيده

والا جااااه ماجاء ( حسني مبارك و زين العابدين )

أطلقوا عفـاس مـن سجـن الاداره
قبل لا اخطف صاحب الموقع رهينه !



ههههههههههههه هذا والله العلم

الكبير والقدير / سداح

صحّ لسانك
وانا معك فيما قلت ,,, وكان تبيني ادوّر صاحب الموقع معك ان جاهز
وبيّض الله وجهك يا اخو ساره ولا عدمناك

تحياتي ومحبتي لك

<<< يدور الجاهيات

سداح
انا لي يومين متذبذب بين الاداره وبين ( حكومة عفاس ومتعب )

ولاجيت انت عن طريق الواسطه ابروح لسوق الثميري وابي اشرّي من البشوت ( قومه وقعده ) وابصف جنبك واللي بيجينا حياه الله ( يلبس بشت ) ...

والكره الان في مرمى العوازم

صح لسانك وسلمت ياسداح من قلب ولسان

مرشدي ممتلي راسه نعاره ... وشاعرن موهوب وضلوعه متينه
الله اكبر الله اكبر

سداح انت ليس شاعر فقط وليس محامي
انت مدرسة شعر ومحامه يلاامير
وهاذب حبة خشم لك يلاامير وتستااهلها
وكان ماطلعوهم عزالله ماش

هدد براحتك ماش اطلاق سراح

وصح كلك ياحلو

^
^^
^^^

حلالاه يالوحة التحكم
والله لـ افجّر ملفّك

الله الله الله يادكتور

والله قصيدة مفروض تطلق كل اسير

العلم عند الله ان الإدارة ماتفرج عن المدعو لأنه إرتكب جرم سياسي

لكن العفو عند المقدرة



مــرشـــديّ ٍ مـمـتـلــي راســـــه نـــعـــاره
وشاعـر ٍ مـوهـوب وضلـوعـه متيـنـه


عانه شاف نفسه علينا


وأحتـزمـت بمجـنـدي وأنـــا أخـــو ســـاره
ثــم عصـبـت الــراس بـشــراع السفـيـنـه

كفو ياخو ساره

صح لسانك وفكرك

والسبب ؟ قال السبب في كلّ حـاره
يكسـر القانـون فـوق مسنّنينـه
حرّض أعضاء المنتدى ضـد الإداره
لين ثار الزعزعه عقـب السكينـه
يتصفّـح شاشتـه ويشـبّ نــاره
وتتبعـه شلّـة شبـاب مؤيديـنـه
كـلّ دوريّـه رماهـا بالحـجـاره
وغازنا عيّـا يسيّـل دمـع عينـه




طيب سؤال يا سداح :
المجرم اللي يسوي الحركات هذي كلها أنت مقتنع إنّه ما يمثل خطر على الشعوب : )

عموماً .. طلبك على العين والرأس أنت وكل الزوّار اللي مرّوا من هنا
مع إنّ بعضهم ( مناهض ) للمظاهرات

وهذا المساء سأبحث مع مستشاريني القضيّه لحيث أن لدينا جلسه إستثنائيّه ،

وسيتم دراسة مدى التأثير والتأثر الذي حدث في نفوس المجرمين : )

يالبييييييييه
يالقصيد الجزل واهله


هذا القصيد ولا بلاش
على شكل خطاب ساخن يبين في محاوره
كل شي يطري على بال القراء بالنسبه لموضوع السجين



لله درّك ياسداح وصح لسانك
وعفاس مايستاهل والله


وتراني من حزبه إن ما اطلقوه عقب هالقصيده
ولا تظاهرنا وسوينا خربطه
هههههههههههههه




/





تحياتي يالغالين الله يسعددددكم

وأكثر الضبّـاط فـي قبـو الـوزاره
يآكلـون ويشربـون الفخفخينـه !

ههههههههههههههه


خله يذوق المسّ
وراه يآكل ويعاين في لقمة خويّه


خليتنا نتعاطف معه غصب ياسداح

ليتك ماركبت السفينة

كفو كفو كفو
يااخو ساره ..


انا وعفاس ( نفر واحد ) ..
بس رح اخطف ( حبيب العازمي ) وتعال بسرعه
واذا تبيني احدد لك مكانه الاسبوع هذا تراني اعرف واحد في الاستخبارات ..


سداح ..
انت شاعر و رمز من رموز الشعر
و شهادتي ما تضيف لك يا دكتور ..
صح لسانك لين ترضى .. و .. لله درك
؛

هههههه


يا سلاااام


صح لساااانك يا دكتور سداح


والله يطلع عفاس ويصلحه .. لأني ملاحظ إن صاير عنده سلوك عدواني الفترة الماضيه