مواقف لا تحدث إلا لك !

هي مواقف تستشعر استثنائها لك، وهي من المواقف التي يتعثر على الحظ
أن يقف إلى جانبك ..

سأضرب أمثلة بسيطة حصرتها من مواقف عديدة ..

1- تأخذ رقم لتنتظر دخولك على الطبيب، وكل من يدخل عليه يأخذ عنده من خمس إلى
سبع دقائق، وعندما يصل دورك وتدخل عليه، بالكاد تقعد دقيقة ونص، وألف سلامة عليييييك


2- تدخل في زحمة شارع رئيسي، فتجد نفسك في -سايد- متوقف عن الحياة، بينما -السايد- الذي
عن يمينك وشمالك يتحرك، إلى هنا مافي أي مشكلة، لكن فور التفافك على السايد المتحرك يتوقف
فجأة ويبدأ يتحرك -السايد- الذي تركته !!


واترك لكم التعليق
كما اترك لـ (ميليشيات القسم العام) حريّة نقله
للمحذوفات، او حذفه للمنقولات

ههههههههههههههه

بعض الايام اسميها الايام ( المدقره )
الله يكفينا شرها


ياكثر المواقف يامسؤلنا الاعلامي

وانا والله مايحظرني في هالقايله اي موقف
وان ذكرت شي عودت


سلمت يابوصالح

عُمر بن عبدالرحمن

ههههههه

متّعنا بلمحة من لمحات الأيام (المدقّرة)

مرحبا حياك الرحمن يابو عبدالرحمن
وبانتظارك

..


والله بخصوص " الموآقف " مثل ما قلت في الزحمه .. اذا مسكت سايد اليسار
مشى سايد المنتصف ؟ واذا رجعت للمنتصف مشى .. السايد الايسر ..
والله اني " اضحك " .. على نفسي وقتها .. وامسك سرا " قهراً " ..
واقول امسكي " سايدج " احسن من الفشيله


وموقف " صار " في كاونتر المارينا لـ " شركة زين " قبل لا يشيلونه هالكلام قبل سنة تقريبا ..
كنت واقفه مع بنت عمي نبي نسدد لـ " مكالماتنا "و كل الناس تشم " ريحة " حريقة ؟
وكأن فيه " التماس " .. بس قلنا المكان بين مطاعم .. وسكتنا ..

وبنت عمي معاي تقولي ريحة " وايرات " ..واقولها ايه صح بس مادري وين ..
فجآه .. دخآن .. كل ماله يزيد طلع المصدر من " اسلاك اجهزة " .. " كاونتر " شركة زين
واحنا واقفين لنا " اكثر " نص ساعه .. وماسكين سرا .. قال الموظف اعتذر منكم ..
راح نقفل مع ان الساعه 8 ونص في الليل ..

بس الحمدلله ما كان دورنا .. كان قبلنا وحده بس
بروحه مكان زين وسط المارينا فضيحة اللي ما يشتري يتفرج

بس من جد موقف محرج



مسآحة " جميلة " يا محمد ..
شكرا لك ..




..

ديوانية مارينا مول "المُغلقة" شمّوا الريحة وانتم صافين دور

اشوا انها جت على الاحراج ما قبع الكاونتر عليكم


شكراً جُمانه لمشاركتك

حيآآك اخوي محمد ، مبطين ما شفناك



موضوعك هذا ، دائماً ما يصادفني
ولا لي غير ( اوووف ، ولا حول )




لكن منها ،
عند الصرافة ، وخاصة مع صرف الرواتب ، تلقى الزحمة صدق
وطوابير ، وأنا ماعندي مشكلة اسولف مع ذا ، ومع ذا على خفيف ، وإذا قرب السرا
يعني قدامي بواحد وإلا ثنين تجي أم الطعات ( وهي يا تقضي الفلوس ، وإلا الصرافة تاكل بطاقة اللّي قبلي ، ثم تعال دورني




وسلامو الله عليكم متابعي قناة محمد الصالح ،

محمد صالح ياكثر المواااقف

منها يوم رحت أطلع الليسن ويوم جيت أبآخذه قآلتلي الموضفه تعال بكره خرب الجهاز

:
:



ابوتركي .. حياااااااااااك .. !!
نوعية هالمواقف ياكثرها كثراااااااااااه .. !!
خصوصاً عند الناس (( النحسجية )) .. !!

جايك بأذن الله بأكثر من موقف تناسب هيك موضوع (( مهضوم )) متل هيدا .. !!

لا انا غير



انا اذا قدامي فيه تفتيش والسيد الثاني ماشي والعسكري مو موجود .......... احرك له .......شوي ويرجع العسكري ... والسيد الي كنت فيه تحرك كله .... لالا تقول علوم توجع الكبد خاصه معي .......... انا دايم السرى حقي مدقر لو حتى قدام كشك ولا عند مخبز ...


خلها على الله يامحمد ........... ليلة العيد العالم زحمه على الحلاقين ... بعضهم شهر رمضان ماوقع الموس في دقنه والمشط ماطرق على راسه ويحتري هاك اليله ...

طبعاً بحكم اني انتمي لهذه الفئه الي من شهر قصير وهي تحتري العيد ..... دخلت وهاتك ياسرى وهاتك ياسرى ... وعلمك بأهل الطائف الي يحلق يسب في الحلاق ولي ماوصله السرى يسب في الي قدامه ونا عارف انه بيحصل شي .... المهم يوم تواتيت على الكرسي والكهرباء تنقطع ........... ياخي يامحمد لاتحط زي ذي المواضيع ترى علاقتي معها ازليه .

ابو صالح حياك ربي ومنور المرقاب .



[الايام المدقره ] واجد وأذكر منها يوم مدقر أموت مانسيته كنت رايح للجنوب أنا وأخوياي ومرينا جزيره فرسان . وكان الذهاب لها على الباخره وهي تبعد عن جيزان حوالي 45 كيلو في قاع البحر . وكان معي هيلكس 2006 على أول نزلتها ولاطلعتها من الوكاله الا لها أسبوع ورحنا عليها ويوم جينا نحجز في الميناء حصلت لي واحد قال ياولد نصيحه لاتشحن سيارتك ترى الوضع ماهوب جايز لك في الجزيره حر ورطوبه ماهيب صاحيه والله ماتقعدون هناك وعز الله صدق . المهم أخذت رايه ونطلنا السياره عند مسجد حول الميناء ورحنا للجزيره .
ويوم جينا الجزيره ونلقى شايب واقعد أسولف معه قلت ليه مايسوؤن جسر بينكم وبين جيزان .
قال ياولدي البحر هذا عمقه بالكيلوات المهم ماصلح الوضع وعودنا من بكره . يوم أبحرنا وتجينا عاصفه وتقوم الأمواج تشيل الباخره فوق تحت والعالم ماتشوفهم ألا يتدحرجون ماغير نمسك فيهم وبعضنا يطيح على بعض والسيارات اللي في الباخره تحت تصادم في بعض و فيه عايدي اللي يشيل البلك والبلاط لعب في سيارات الناس وهشمها وماتسمع ألا صياح الحريم . وأنا أقوم أتذكر كلمة الشايب اللي يقول البحر عمقه بالكيلوات وعاد أنا ماأعرف أسبح [ بدوي بكرتونه ] ولاأداني الماء ولاعاد تشيلني الأرض ماغير متمسك وأزريت أمشي من أم الركب وحوالي ساعه وحنا شل أبوك حط أبوك . الأكيد أن الله أسلمنا وتأخرت الرحله عن موعد وصولها حوالي ساعه ونصف .
وقلت الله يجزاء اللي نصحني عن شحن موتري خير ولا يمديه أنعدم .

تقبلو مروري وفي أنتظار يوم عبدالرحمن حمد العتيبي المدقر ويوميات المرقابيين المدقره .

ابو تركي عزالله تحدث مع الجميع اخوي سلطان يسميها قروشه

قبل خمسة ايام فالرياض رحت اطلع اقامات اثنين من العمال المهم دخلت الجوازات
واخذيت رقم يوم قررب رقمي قال العسكري آسفين يااخوان الحاسب الآلي توقف ( تعطل )
من مركز المعلومات قلت ياليل الليل المهم قلت خلني انتظر مافيني ارجع مره ثانيه

انتظرت مافيه فائده وقلت برجع البيت والله العظيم هذا اللي حصل رجعت البيت يوم
جيت انزل من السياره واناظر اوراقي الا هي ناقصه اثاريني ناسيه على كراسي الانتظار
بالجوازات .. وارجع مره ثانيه وادخل واحصل اوراقي واكلمهم اشتغل قالو لا

تحصل كثير هالقروشه على قولة اخوي سلطان ..

على طاري المواقف اللي ترفع الضغط
اثناء دراستي في القصيم .. ما امر من عند نقطه الا " يعطوني مخالفه "
الاكيد قررت اطلع رخصه .. طلعت الرخصه بعد اسبوع من الاختبارات و دبلة التسبد
وانا راجع رخصتي في مخباي اتلفت مع الخط واسلم على كل دوريه ابيها تسئلني عن الرخصه ولا احد وقفني
مريت نقطه نهايه الاسبوع متوجه لـ الديره .. ويوم شفتهم يفتشون استانست ابي اوريهم الرخصه
مسكت السرى وجاء دوري قال العسكري اللي دايم ينكبني / قال ليش ما ربطت الحزام .. و حرر مخالفه ..

لي عوده بموقف اخر

على طاري المواقف ,

قبل كم يوم نويت اجدد اللاب توب واغيره . المهم اتجهت مع واحد من الربع على شان نشتري لاب توب جديد , يوم وقفنا عند محلات اللاب توب ونزلت الا الجوال قدامي في الشارع , واناظر في الجوال الا الشاشه متكسره رايحه طحييييين ههه قلت له ياولد الحين خلنا نلحق نسوي الجوال واللاب توب لاحقين عليه رحنا لمحلات الجوال ومن محل لمحل لين لقينا واحد يسويه الجوال نوكيا n8 المهم اتفقنا على تصليحه واعطاني الشريحه وقال مرنا بعد ساعه رحنا نفرفر شوي ورجعنا واخذت الجوال بعد ماصلحوه ومشينا وحنا في السياره ادور الشريحه بحطها في الجوال ماهي فيه ادور ادور يمين يسار مافييييه ضاعت الشريحه قلت ياولد الله يستر من هاليوم . تدري خلنا نمر نشوف لنا محل اجهزة كمبيوتر خلني اشتري لابتوب واخلص الشريحه نطلعها بدلها بكره مافي مشكله المهم شرينا لاب توب ومشينا وكنا رايحين على سيارت خويي يوم وصلنا سيارتي نزلني ومشى يوم جيت اشغل السياره الا المفتاح حق سيارتي معه وهو روح ههههههههههههههههههههههههه جيت بدق عليه الا الجوال توني مضيع شريحته وما منه فايده مايدق الوكاد انتظرت الين جاني واحد من الربع وصلني له واخذت المفتاح ,



كان يوم غريب ,, على طاري المواقف الغريبه .


شكرا لك اخوي محمد على الموضوع المميز ,,,,,,,,

كـعادتك يابو تركي .. مواضيعك مميزه , قرأت تعليقات الاخوان واعجبني الكثير هههه
سأعود لأفضح نكباتي امامكم <- اقمح

مرحبا مرحبا يابو تركي
طبعأ نكباتي اغلبها بعد اي مكالمة بيني وبينك
خلني بس ارتب ملفات النكبات واجيبها لك ياسنايدي < طايح في الهياط اليومين ذي

.
.


الله لايعيد موقف السياره وراجع يابو صالح


.
.

هههههههههههه
موضوع مميز ياابوتركي ..

وانا من المواقف اللي تحصل لي ..

اذا بغيت ( ليموزين / تآكسي ) اوقف ساعه في الشارع وما اشوفهم الا على السايد المقابل .. واذا طمرت الرصيف ماعاد يجون .. واشوفهم على السايد اللي كنت فيه ..

واذا صدف و زان حظي ولقيت احد من الشباب اعرفه يوصلني للمكان اللي ابيه .. قامت التكاسي .. تحدنا عن الخط ..


<- طلع من الموضوع ينفض يده ..

المشاركة الأصلية كتبت بواسطة فارس بن مرداس

على طاري المواقف اللي ترفع الضغط
اثناء دراستي في القصيم .. ما امر من عند نقطه الا " يعطوني مخالفه "
الاكيد قررت اطلع رخصه .. طلعت الرخصه بعد اسبوع من الاختبارات و دبلة التسبد
وانا راجع رخصتي في مخباي اتلفت مع الخط واسلم على كل دوريه ابيها تسئلني عن الرخصه ولا احد وقفني
مريت نقطه نهايه الاسبوع متوجه لـ الديره .. ويوم شفتهم يفتشون استانست ابي اوريهم الرخصه
مسكت السرى وجاء دوري قال العسكري اللي دايم ينكبني / قال ليش ما ربطت الحزام .. و حرر مخالفه ..

لي عوده بموقف اخر

ههههههههههههههههههههههههه

ابومرداس .. بغى يقول لك ( وين الطاقيه ) ..