سر الجاذبيَه

السلام عليكم ورحمة الله وبركاتة ,,,

صباح / مساء الخير على الجميع

بعد الغياب الطويل أتمنى ان تشفع لي عند جنابكم الكريم و استميح العذر منكم

ويعلم الله ان الظروف سيوف

يقول ,,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا هجوسي امتطي ظهر المطيّه=من شعور الذات لفي الف دوره
المعاني وقّفت مثل السريّه=والشعر فاضت على فكري بحوره
جيت كلي من غلا ذيك البنيّه=وردة ٍ تغني عن الروض وزهوره
شفتها صدفه وزاد الهم فيّه=صار ما بين العقل و القلب ثوره
العقل قال إركد وفكر شويّه=احسب حسابك ترا العالم صبوره
وكان تبغا الراي خل عنك الاذيّه=لو تعرف النبت ما تعرف بذروه
والخفوق يقول ذي اغلى عطيّه=عودٍ ازرق يحرق السوق وعطوره
جابها حظك لو حظوظك رديّه=مثل تمر السكري عقب المروره
وصرت انا محتار في هذي وذيّه=صدفةٍ تحرث خفى القلب وقبوره
استخرت وقلت لعيون ٍ شقيَه=ما عليك اخلاف لا باس وطهوره
يا تلحّق طعنة الاحباب كيّه=أو تعالج جرح ذابحني غروره
ماخذه عقل الملآ بالعنجهيّه= الحلا لعيونها قطّع جذوره
ذب نفسه في ثرا خلي هديّه=قال عفت الوقت من ظلمه و جوره
اقبلت تمشي بخطوات ٍ هديّه=العذارى من خطاويها غيوره
لابسه برقع ولهجتها بدويّه=تهدم قصور ٍ من الثقل امعموره
غمض عيونك تخيل كيف هيّه=خدّها عن شمسنا يغني ظهوره
الجسم اخّيه كنّه مزهريّه=إن تثنّا وقّف السير لعبوره
قلت كيف الحال وجروحي خفيّه=قالت اهلاً و الدلع فايح بخوره
قلت شسمك قالت لنجد ٍ سميّه=انطقتها عقب ماهيب امحشوره
تعطي حقوق الغنج و الانثويّه=من مسك يفطر قبل موعد فطوره
يا نيوتن علمك الزايف خطيّه=اكتشفنا للأسف كذبه وزوره
مسئلة تصحيح مني منطقيّه=قالوا اهل العلم إن الارض كوره
من جذب تفاحتك عذب السجيّه=يوم كان الكون في لفّه ودوره
هي ترا يا ناس سر الجاذبيّه=من حلاها يرخص المال وقصوره
من يلحّقني من وصوفه زريّه=جعل ما جاني من اسبابه يزوره
تارد افكار الفكر ورد الضميّه=وتمسك ابداع الشعر من عند زوره
جيت ابوصف نجد بحروف ٍ نديّه=من خيال ٍ تبرق وترعد بكوره
مير عيّا القاف لا يرهي عليّه=المعاني تعتذر لي و امعذوره
دام قبلي قال في نجد العذيّه=الأمير اللي يعبّر عن شعوره
يعسف افكار الشعر لو هي عصيّه=شاعر ٍ ما يشبه اغيابه حضوره
لو بطى عنّا يغيب الشعر ضيّه=وان حضر بين الشجر تصدح طيوره
خالد الفيصل وله مني تحيّه=في قلوب الناس محدٍ طال سوره
الامير اللي معانيّه قويّه=بالفكر ينقش من الجزله صخوره
فارس ٍ فيه السطاره و الحميّه=ما تخلّف بالسعى أو بالضروره
ذا ولد فيصل و نار العز حيّه=كن خالد من شكل شايبه صوره
جدّه اللي مدّت كفوفه غنيّه=جدّه اللي ساق عمره للخطوره
الشجاع اللي على ظهر العبيَه=لا تعزوا راعي العوجا خو نوره
حافظ ٍذكر الله وسيرة نبيّه=راحة اهل الدار هي مصدر سروره
ما ذخر جهده ولا جاته كذيّه=في سبيل الدين ما عاف الحروره
ثابت ٍ في موقفه صبح وعشيّه=ما تردد لا ولا خانت صقوره
ما توفيه الحروف الابجديّه=فعل واحد ينهك الحرف وسطوره
كل نسله بالشبه كنّه حليّه=مات لكن كن روحه في نموره
يرحمه رب ٍ كفل رزق البريّه=ويبعثه يوم الحشر يغشاه نوره
قلتها مالي كثير ولا بليّه=غير قول الحق في ناس امخبوره
جيت كلّي باللحون السامريّه=ابني بيوت الشعر وادعم جسوره
من صميم الذات وعروق ٍ طريّه=قلت حرف ٍ منبع احساسي صدوره
كلّها لعيون وضّاح الثنيّه=صغتها من قلب عبّر عن شعوره
والسلام اختام يا نجد السميّه=من بلاد اخوان مريم لي شروره[/poem]